بەرێوەچوونی یەکەم رۆژی رێورەسمی پرسەی خولێیخۆشبێت عەلی قازی محەممەد لە ئاڵمان

11/07/2022

بەرێوەچوونی یەکەم رۆژی رێورەسمی پرسەی خولێیخۆشبێت عەلی قازی محەممەد لە ئاڵمان

سەعات 12:00 رۆژی دووشەممە 11 جولای 2022، بەبۆنەی کۆچی دووایی خوالێیخۆشبت جەنابی عەلی قازی کوڕی پێشەوا قازی محەممەد و سەرۆکی پێشووی پارتی ئازادیی کوردستان، لە شاری کۆڵنی ئاڵمان، یەکەم رۆژی پرسەی خوالێخۆشبوو بەڕێوەچوو.
لە رێورەسمەکەدا بەشێکی بەرچاو لە نوێنەرانی حیزب و لایەنە کوردستانییەکان،  کەسایەتی و ژمارەیەکی بەرچاو لە کوردانی هەر چوار پارچەی کوردستان بەشدار بوون و لە لایان بنەماڵەی قازییەکان و بەشێک لە ئەندامانی سەرکرایەتی PAK لە ئاڵمان، پێشوازییان لێکرا.
رێورەسمەکە بەخوێندنەوەی ئایەتێکی قورئانی پیرۆز دەستیپێکرد. پاشان پەیامی بنەماڵەی قازی لە لایەن کوردۆ عەلی قازییەوە پێشکەش کرا. دواتر پەیامی پارتی ئازادیی کوردستان لە لایان هەڤاڵ بیژەن زیباییئەندامی مەجلیسی گشتیی PAK ەوە خوێندرایەوە. 
لە درێژەی رێورەسمەدا چەندین پەیام لە لایان نوێنەرانی پارتە بەشداربووەکان و کەسایەتییەکانەوە پێشکەشکران.
هەروەها هەڤاڵ شەماڵ پیران ئەندامی کومیتەی ناوەندیی PAK و ژمارەیەک لە ئەندامی رێکخستنەکانی PAK لە دەرەوەی وڵات بەشدارییان لە رێکخستن و بەڕێوەچوونی رێورەسمەکەدا کرد. 
شایانی باسە کە ڕێورەسمەکە بۆ ماوەی سێ رۆژ بەردەوام دەبێت لە هەمان شوێن و لە سەعات 15:00 ەوە.

پارتی ئازادیی کوردستان 
کۆمیتەی رێکخستنی ئاڵمان
11 جولای 2022