پارتی ئازادیی کوردستان
لەپێناو دامەزراندنەوەی دەوڵەتی جمهوریی کوردستاندا
سەرەتا
ئاخاوتن
بابەت
دیدار
بۆ کوردستان
کوردستانی
ناوچەیی
جیهانی
سەرۆکایەتی
ڕاگەیەندراو
کۆمیتەی ناوەندی
مەجلیسی گشتی
هیتر
هونەر و وێژە
پێشمەرگە
مافی مرۆڤ
دیمانە
کۆنگرەی یەک
ڤیدیۆ
پەیوەندی
ئەرشیف
ئەرشیفی پێشومان
پەیوەندیمان پێوە بکە
2024-03-24 هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا 2024-03-23 کۆڵبەرێک لە سنووری نەوسوود بەتەقەی هێزەکانی دەوڵەتی داگیرکەر، کوژرا 2024-03-16 ناوی سەردارانی شەھیدی لوڕستان ھەرمانە و تاوانی دەوڵەتی فارسیش لەبیر نەکراو 2024-03-16 پێشمەرگەیەکی کۆمەڵەی شۆڕشگێڕی زەحمەتکێشانی کوردستانی ئێران تیرۆر کرا 2024-03-15 کۆڵبەرێکی کورد ٩ رۆژ دوای بریندارکرانی گیانی لەدەستدا 2024-03-15 مێهران ئەکرەمی لەبەندیخانەی دەوڵەتی داگیرکەری ئێراندا لەژێر ئەشکەنجە شەهید کرا 2024-03-14 مەهدی رەحمانی قەپڵانتوو، بەهۆی رووداوێکی هاتوچۆوە گیانی لە دەستدا 2024-03-13 کچێکی ٢١ ساڵان لە لوڕستان بە تەقەی راستەوخۆی هێزەکانی دەوڵەتی داگیرکەری ئێران کوژرا 2024-03-08 بهیاننامهی تیپی تهوارهكانی ئازادیی كوردستان TAK به بۆنهی ٨ی مارس رۆژی جیهانیی ژن 2024-03-08 پەیامی سەرۆکی PAK بەبۆنەی رۆژی جیهانیی ژن 2024-03-07 راگەیەندراوی رێکخراوی ئازادیی ژنانی کوردستان-نینا بە بۆنەی رۆژی جیهانی 8ی مارس 2024-03-06 بە بەشداریی شاندێکی پارتی ئازادیی کوردستان، مامۆستا پۆڵا نانەوازادە بە خاک سپێردرا 2024-03-06 پرسەنامەی سەرۆکی PAK بەبۆنەی مەرگی پۆلێک هونەرمەندی کوردستان 2024-03-01 ڕۆژهەڵاتی داگیرکراو دیسان ناسنامە و پرس و کۆڵنەدانی خۆی نواندەوە! راگەیەندراوی پارتی ئازادیی کوردستان PAK بەبۆنەی شکستی تاران لە کوردستان 2024-02-25 دیداری نێوان پارتی ئازادیی کوردستان و کۆمەڵەی زەحمەتکێشانی کوردستان
21/02/2022
بەیاننامەی پارتی ئازادیی کوردستانPAK بە بۆنەی رۆژی زمانی دایکیی
زمان لە توخمە بنچینهییهكانی کەسایەتی و ناسنامەی تاک و کۆی نەتەوە و هێمای یەکبوونی نەتەوەیی و فاکتەرێکی سەرەکی لە پڕۆسەی پێکهاتنی دەوڵەتە نەتەوەییەکانه. زمان هەروەها فاکتەرێکی بنەڕەتی بووە لهدیاری کردنی تخووب و سنوورە جوغرافییەکان و تا رادەیەکیش سنوورە سیاسییەکاندا. زمان ئامرازی بەرهەمهێنانەوە و گوێزانەوەی ناسنامەی نەتەوەییە لە نەوەیەکەوە بۆ نەوەکانی دیکە. هاوکات کەرەستەی گواستنەوەی هەموو توخمە ناسنامەییەکانی دیکەشە. زمانی دایکیی، بەهێزترین ئاڵقەو ئامرازی پێوەندیی نێوان تاکەکانی نەتەوە و لێکگرێدانی ڕابردوو، حاڵ و داهاتووی ئەو نەتەوەیە و دەربڕینی بیر و هەست و سۆزی ئینسانیی و ئامرازی پەروەردە و فێر بوونە. هەروەها بەشێکە لە تەواوکاریی و گەشە و پەرەسەندنی مرۆڤیی کۆمەڵگاکان. زمانی كوردی هەر وەک نەتەوەی کورد خۆی، زیاتر لە ٥٠٠ ساڵە لە بەر پەلامار و گوشاری سێ شارستانەییەت و سێ زمانی سەردەست و خاوەن دەوڵەتی فارس و تورک و عارەب دایە. ئەو شارستانییەت و نەتەوە خاوەن دەوڵەتانە بهئامانجی تواندنەوهی کورد، بەر لە هەر شتێ به پڕۆژهی سیستهماتیك و بەکارهێنانی هێزی رهق و نهرم، زمانی کوردییان بە ئامانج گرتووە . کورد کە لە پێکهێنانی دەوڵەتی ناسیۆنالی خۆی دواکەوتووە و کراوەتە کۆڵۆنییەکی نێودەوڵەتیی، زمانی داگیرکەرەکەی لێکراوەتە "فەرمی" و خوێندن و نووسین بە زمانی داگیرکەرەکانی بەسەردا سەپێندراوە. دەوڵەتە داگیرکەرەکانی کوردستان بە سیاسەتی قەدەغەکردنی زمانی دایکیی، یان رێگریی لە خوێندن و پەروەردەی کوردستانیان بە زمانی دایکییان، زەبری گەورەیان لە تاک و لە نەتەوەی کورد داوە. بەو حاڵەوە رۆڵەکانی نەتەوەی گەورەی کورد، چ لە ڕێگای بەرپاکردنی شۆڕش و ڕاپەڕینەوە، چ بە ئافراندنی بەرهەم و دەقی ئەدەبی و چ بە وەڕێخستنی کاروانی رۆژنامەگەریی کوردی، زمانی کوردییان نەک هەرپاراست، بەڵکوو لە چاو هەڕەشەکانی سەری، قۆناغ بە قۆناغ گەشەیان پێداو ئەمڕۆ کورد و زمانەکەی وەک نەتەوە و زمانێکی زیندوو لە ریزی نەتەوە و زمانەکانی دیکەی دنیادا دەبینرێن. لە ئێران100 ساڵی ڕەبەقە، دەوڵەت سیاسەتی فارسیفیکاسیۆن بەڕێوە دەبا و زمانی فارسی، بەسەر نەتەوەی کورد و نەتەوە نەفارسەکانی دیکەدا، سەپێندراوە. 100 ساڵە تەواوی دام و دەزگاکانی دەوڵەت لە گەڕدان بۆ لە ناو بردنی زمانی کوردی و تواندنەوەی کورد و «بە ئێرانی کردنی»! دەسەڵاتی حاکم بەپێی یاسای بنەڕەتیی دەوڵەت و تەنانەت گروپ و رێکخراوە فارسەکانی ئۆپۆزیسیۆنیش، زمانی فارسی بە «زمانی فەرمی» یان لە باشترین حاڵەتدا بە “زمانی هاوبەش” ناودەبەن. لەحاڵێکدا، زمانی فارسی یەکلایەنە و بەزەبر و زەنگ و خوێن ڕشتن، بەسەر نەتەوەی کورد داسەپێندراوە و هیچ رادەیەک لە حەز و ویستی دڵخوازانەی تێدا نەبووە و نییە. نەتەوەی کورد لە ڕۆژهەڵاتی داگیرکراو، هەر لە سەردەمی بنیاتنانی دەوڵەت – نەتەوەی رەزاخانییەوە لە ئێران، هەتا میراتگرانی ئەمڕۆیی، وێڕای ئەوەی لە هەر دەرفەتێک بۆ پچڕاندنی کۆت و بەندی نەتەوەیی و هەڵگرتنی سەروەریی ئێران لە سەر کوردستان خەباتی کردووە، بە بەکارهێنانی زمانی کوردی لە بەستێنەکانی ئاخاوتن لە ناو خێزان و کۆمەڵ،ئافراندنی شێعر و چیرۆک و مۆسیقاو گۆرانی و لاوک و حەیران و هۆرە و موور و چەمەری، زمانەکەی لە فەوتان پاراستووە. هەروەها لە 30 ساڵی ڕابردوودا سەرەڕای زەبر و زەنگی دوژمنی داگیرکەر، کەسایەتییە ئەدەبییەکان بە تێکۆشانی تاکەکەسیی خۆیان و ئەنجوومەنە ئەدەبییەکان بە چالاکیی و بەرهەمەکانیان و تێچووی خەباتەکەیان، دەورێکی گرینگیان لە گەشەپێدانی زمانی کوردی بە تایبەت لە ناوچەکانی باشووری رۆژهەڵات گێڕاوە. پارتی ئازادیی کوردستان، بە ڕێز و بایەخەوە دەڕوانێتە ئەو دەور و تێکۆشانە و سڵاو دەنێرێت بۆ سەربازانی پارێزەری وشە و پەیڤی کوردی. رۆژی زمانی دایکیی، دەرفەتێکە بۆ ئەوەی نەتەوەی گەورەی کورد لە رۆژهەڵاتی ناوەڕاست ئیرادەی خۆی لەسەر پاراستنی زمان و ناسنامە و کەسایەتیی سەربەخۆی و حەولدان بۆ پڕکردنەوەی کەلێنی نێوان زمان و کولتوور لە لایەک و سەروەری سیاسیی لە لایەکی دیکەوە، بەهێز بکات. ئەم بۆنەیە دەرفەتێکە بۆ ئەوەی هەر تاکێکی نەتەوەی کورد لە ڕۆژهەڵاتی کوردستان، لە پێناو مانەوەی زمانەکەی و ڕزگاریی نەتەوەکەی رێفراندۆمی سەربەخۆیی بۆ دیاریکردنی چارەنووسی سیاسیی بکاتە ویست و پڕۆژەی سەرەکیی خۆی. لەم بۆنەیەدا، پارتی ئازادیی کوردستان لەسەر ئەو راستییە پێدادەگرێتەوە کە گەشەو دەستەبەر کردنی پاراستنی زمانی دایکیی و پەرسەندنی کۆمەڵایەتی و سیاسیی و ئابووری و مرۆڤیی لە کوردستان، لە جیهانی گۆڕاوی ئەمڕۆدا، لە گرەوی دابین کردنی سەروەریی سیاسیی و گەیشتن بە سەربەخۆیی و دامەزراندنی دەوڵەتی نەتەوەییدایە. پارتی ئازادیی کوردستانPAK ٢ی رەشەمەی ٢٧٢١ ٢١ی فێورییەی ٢٠٢٢
هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا
کۆڵبەرێک لە سنووری نەوسوود بەتەقەی هێزەکانی دەوڵەتی داگیرکەر، کوژرا
ڕۆژهەڵاتی داگیرکراو دیسان ناسنامە و پرس و کۆڵنەدانی خۆی نواندەوە! راگەیەندراوی پارتی ئازادیی کوردستان PAK بەبۆنەی شکستی تاران لە کوردستان
کچێکی ٢١ ساڵان لە لوڕستان بە تەقەی راستەوخۆی هێزەکانی دەوڵەتی داگیرکەری ئێران کوژرا
پرسەنامەی سەرۆکی PAK بەبۆنەی مەرگی پۆلێک هونەرمەندی کوردستان
بهیاننامهی تیپی تهوارهكانی ئازادیی كوردستان TAK به بۆنهی ٨ی مارس رۆژی جیهانیی ژن