ڕاگەیەندراوی ژمارە( 86 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

18/11/2022

ڕاگەیەندراوی ژمارە( 86 )ی ڕاپەڕینی کوچک و بەردی رۆژهەڵاتی داگیرکراو
"ڕاپەڕین تا ڕاماڵینی داگیرکەران لە نیشتمان"

ئەمڕۆ ٢٧ خەزەڵوەر، ٦٣ رۆژە راپەڕینی رۆژهەڵاتی کوردستان درێژەی هەیە و کچ و کوڕانی قارەمانی نیشتمان لەشەقام و گۆڕەپانی شارەکاندا بەردەوامن لە بەرخۆدان و راپەڕین.
ئەمڕۆ لە سەحنە، کامیاران، مەهاباد، بۆکان، نەغەدە، سەقز، پیرانشار، تویسرکان، سنە، ئیلام، کرماشان، سەردەشت، پاوە، خوی، دیواندەرە، مەریوان، بیجاڕ، جوانڕۆ، یاسووج، قوروە و ئابدانان، کیژ و کوڕانی راپەڕیو لە ستەم و داگیرکاریی لەسەر گڵکۆی شەهیدانی راپەڕیو و لە شەقام و کۆڵانەکاندا بەردەوامن لە رابوون و بەرخۆدانی نەتەوەییان. هێزەکانی دوژمنی داگیرکەر بێ‌بەزەییانە تەقەی راستەوخۆ لە خەڵکی راپەڕیو دەکەن و لە سێ رۆژی رابردوودا زیاتر لە ٢٠ تێکۆشەری کوردیان شەهید و دەیانی دیکەیان بریندارکردوون. رۆڵە دلێر و چاونەترسەکانی رۆژهەڵات بەرپەرچی پەلامارەکانی هێزەکانی دوژمنیان داوەتەوە و ئەمڕۆ لە مەهاباد و بۆکان ماڵ و ئۆتۆمبێلی ژمارەیەک لە بەکرێگیراوانی دەوڵەتی داگیرکەریان سووتاندووە و لەبۆکان بەسیجییەک بەسزای خۆی گەیێنراوە کە بۆ سەرکوتی راپەڕین هێنراوەتە شارەکەوە.


پارتی ئازادیی کوردستان PAK
کۆمیتەی راگەیاندن
٢٧ خەزەڵوەر ٢٧٢٢ک
١٨ نۆڤامبری ٢٠٢٢ز