ڕاگەیەندراوی ژمارە( 93 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

07/12/2022

ڕاگەیەندراوی ژمارە( 93 )ی ڕاپەڕینی کوچک و بەردی رۆژهەڵاتی داگیرکراو
"ڕاپەڕین تا ڕاماڵینی داگیرکەران لە نیشتمان"

ئەمڕۆ ١٦ سەرماوەز لە ٨٢ ـەمین رۆژی راپەڕینی رۆژهەڵاتی کوردستاندا، خەڵکی ئازا و قارەمانی رۆژهەڵات، بە هەڵوێستی بوێرانە و هاوهەنگاوییان و بە بەڕێوەچوونی مانگرتنی گشتیی، بەردەوامییان بە راپەڕین‌دا.
ئەمڕۆ رۆڵەکانی رۆژهەڵات لە زۆربەی شاروشارۆچکەکانی نیشتمانی داگیرکراو، لەوانە: سنە، مەهاباد، بۆکان، ئابدانان، کرماشان، مەرگەوەڕ، چوارمەحال‌بەختیاری، دێولان، پاوە، بانە، سەراوڵە، دیواندەرە، شنۆ، سەقز، جوانڕۆ، ھارووناباد(شائاباد)، ئیلام و مەریوان، بەدەم بانگەوازی پارتی ئازادیی کوردستان و ناوەندی ھاوکاریی و چالاکانی ناوخۆ و لایەنەکانی دیکەی رۆژهەڵاتی کوردستانەوە هاتن و بە داخستنی دوکان و بازاڕەکان و مانگرتنی گشتیی درێژەیان بە راپەڕینی پیرۆزمان دا و دەسەڵات و سەروەریی دەوڵەتی داگیرکەری ئێرانیان لەسەر نیشتمانمان رەتکردەوە.
یەکگرتوویی و هەنگاوی بوێرانەی کچ و کوڕانی تێکۆشەری نیشتمان، سەرەنجام کۆتایی بە سەروەریی دەوڵەتی داگیرکەر دەهێنێ و لەسەر نیشتمانەکەمان رایاندەماڵێ.

پارتی ئازادیی کوردستان PAK
کۆمیتەی راگەیاندن
١٦ سەرماوەز ٢٧٢٢ک
٧ دیسامبر ٢٠٢٢ز