پڕۆفیسۆرێکی کورد میدالیای رازێرفۆردی پێ بەخشرا

22/11/2023

پڕۆفیسۆرێکی کورد میدالیای رازێرفۆردی پێ بەخشرا

پێنجشەممە 17 خەزەڵوەری 2723 کوردی، پڕۆفیسۆر ئیبراهیم کەریمی، زانا و توێژەری کورد لە بواری فیزیا لە وڵاتی کانادا لەلایان کۆمەڵەی شاهانەی ئەو وڵاتەوە میدالیای رازێرفۆردی پێ بەخشرا.
کەریمی لەدایکبووی ساڵی 1979ی ز شاری سەقزە و لە وڵاتی کانادا مامۆستای  فیزیایە لە زانکۆی ئۆتاوا و خاوەنی چەندین خەڵاتی زانستیی جۆراوجۆرە لە فیزیا.
ناوبراو پێشتر لە ساڵی 2020 ز لەبەرانبەر هەوڵ و ماندووبوونەکانی و توێژینەوە و لێکۆڵنەوەکانی لەبواری فیزیکی کوانتۆم‌دا خەڵاتی هێرزبێرگی وڵاتی کانادی پێدراوە.
ئەم میدالیایە بە ناوی فیزیازانی بەناوبانگی نیوزلەندی " ئێرنێست رازێرفۆرد" ـەوەیە کە ساڵانە ئەم خەڵاتە دەدرێ بەو زانایانەی کە رۆڵی بەرچاویان هەیە لە توێژینەوە زانستییەکانیان لە بواری بواری فیزیا و کیمیادا.