پەیامی ھاوخەمیی سەرۆکیPAK بۆ ڕووداوەکەی شاری سۆران

09/12/2023

بە ناوی خوای گەورە و دلۆڤان

بە دڵێکی پڕ خەم و پەژارەوە، ھاوخەمیی لە گەڵ بنەماڵەکانی قوربانیانی ڕووداوی ناخھەژێنی سووتانی ئەو باڵەخانەیەی شاری سۆران دەردەبڕم کە تێیدا پۆلێکی١٤ کەسیی قوتابیی و مامۆستا و گەشتیار، تێیدا خنکاون. ھاوکات ھاوبەشی داخ و کەسەری دانیشتوانی شاری سۆران مەڵبەندی کوردایەتیی و چاکە و جوامێری و پاڵپشتیی خەباتی ڕۆژھەڵاتی داگیرکراوم کە بەو ھۆیەوە ماتەمبارن.
ھیوادارم ئەم ڕووداوە دڵتەزێنە ھاندەرێکی بەھێز بێت بۆ ئەوەی حکوومەتی ھەرێمی کوردستان لێبڕاوانە بە تەلارسازیی وسیستەمی دابینکردنی سەلامەتیی لە ھەموو باڵەخانە و شوێنەکانی حەوانەوەی بەکۆی دانیشتوان و گەشتیاراندا پچێتەوە و چیدیکە ڕێگا نەدرێت کۆمەڵێک خاوەن کۆمپانیای چاوچنۆک لە پێناو دەستکەوتی زیاتردا، بە پشتگۆی خستنی دابینکردنی پێویستییەکانی سەلامەتیی لەو شوێنانە، ببنە ھۆکاری کارەساتی ئەوتۆ.

حسەین یەزدانپەنا

١٨ی سەرماوەزی ٢٧٢٣ک
٩ی دیسامبری ٢٠٢٣ز