هێزەکانی تاران هاوڵاتییەکی کورد قۆڵبەستدەکەن

05/12/2021

رۆژی یەکشەممە 14 سەرماوەز (5 دێسامبر)، هێزە ئەمنییەکانی دەوڵەتی تاران لە ئاوایی مڵقەرنیی سەر بە سەقز، هاووڵاتییەکی کوردیان قۆڵبەست کردووە و بۆ شوێنێکی نادیاریان راگوێزاوە و هاوکات ماڵی سێ هاووڵاتیی دیکەش پشکێنراون.
بەپێی هەواڵی هرانا، ناوی ئەم هاووڵاتییە کوردە بریتییە لە زانکۆ مەسعودی تەمەن 22 ساڵ و خەڵکی ئاوایی مڵقەرنیی سەر بە شاری سەقزە و قۆڵبەستکردنەکەشی بەبێ بوونی  هیچجۆرە حوکمێک ئەنجامدراوە. 
هەروەها لە راپۆرتەکەدا هاتووە کە هاوکات لەگەڵ قۆڵبەستکردنی ناوبراو، هێزەکانی تاران ماڵی سێ هاووڵاتیی دیکەشیان پشکنیوە.
شایانی باسە کە تا ئێستا هۆکاری قۆڵبەستکردن یان تاوانی ناوبراو، ئاشکرا نییە.