کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران

پێش 2 هەفتە

دوێنێ ئێوارەی رۆژی شەممە ٢٥ی خاکەلێوەی ٢٧٢٤ک، "مێهرداد عەبدوڵڵازادە" لە کاتی کۆڵبەریدا لە سنووری گوندی بێتووشی سەربە سەردەشت بە تەقەی راستەوخۆی هێزەکانی دەوڵەتی داگیرکەری ئێران کوژرا.
مێهرداد عەبدوڵڵازادە، تەمەن ٢٠ ساڵان، خەڵکی گوندی مەزاغان لەکاتی کۆڵبەرییکردن‌دا لەسنووری سەردەشت، بەهۆی تەقەی راستەوخۆی هێزەکانی بەرفەرمانی ئێران و بەرکەوتنی گوللـەوە لەشاخ بەربووەتە خوارەوە و گیانی لەدەست داوە.
هەروەها لە هەمان رۆژدا لە سنووری بەستامی سەقز، کۆڵبەرێکی دیکە بەناوی "ئومێد سەیدی" تەمەن ٤٤ ساڵان، خەڵکی سنە کەوتەبەر دەسڕێژی گوللـەی هێزەکانی دەوڵەتی داگیرکەری ئێران و پاش گەڕانێکی زۆر ئەمڕۆ تەرمی ناوبڕاو دۆزرایەوە.