لە دیداری نێوان رێکخراوی ئازادیی ژنانی کوردستان و تەوارەکانی ئازادیی کوردستان دا، پێ لەسەر دەورگێڕانی زیاتری ژن داگیرا.

19/07/2025

ئەمڕۆ شەممە 28ی پووشپەڕی 2725ی کوردی، دوو شاندی رێکخراوی ئازادیی ژنانی کوردستان_نینا و تیپی تەوارەکانی ئازادیی کوردستان، کۆبوونەوە.
 کۆبوونەوەکە بە مەبەستی گفتوگۆ و دیالۆگ و گۆڕینەوەی بیروڕا لە مەڕ دوا بارودۆخ و پێشھاتە سیاسییەکان و ڕێکخستنی ھاوکاریی و ھەماھەنگیی زیاتری نێوانیان، بەڕێوەچوو.
باسکردن لە دۆخی ژنان و رۆڵیان لە گەشەی ناسیۆنالیزمی کوردستانی و بەشدارییان لە خەباتی پێشمەرگەیی و پێشەنگایەتی لە راپەڕینی ژینا و چالاکییە فرەچەشنەکانیان تەوەرێکی دیکەی گفتوگۆکانی نێوانیان بوو.
 ھەروەھا لە تەوەرێکی دیکە ئەو کۆبوونەوەیەدا، بەھێزکردنی پێوەندی لە گەڵ ژنانی تێکۆشەری ناو رۆژھەڵاتی داگیرکراو و ڕێکخراوەکانیان و پاڵپشتیی لێیان، تاوتۆی کرا.