بە بەشداریی سەرۆکی PAK کۆنفرانسی یەکەمی رێکخستنەکانی دەرەوەی وڵات کۆتایی بە کارەکانی هێنا

5 رۆژ پێش ئێستا

بە بەشداریی سەرۆکی PAK کۆنفرانسی یەکەمی رێکخستنەکانی دەرەوەی وڵات کۆتایی بە کارەکانی هێنا

رۆژی شەممە، ڕێکەوتی 23 ئاگوستی 2025, نوێنەرایەتی و رێکخستنەکانی پارتی ئازادیی کوردستان لە دەرەوەی وڵات کۆنفرانسی یەکەمی خۆی لە شاری ئارنهێمی وڵاتی هولەند، بە ئامادەبوونی بەپرسانی ئۆرگان و بەشە جیاجیاکانی سەرکەوتووانە بەڕێوەبرد.

کۆنفرانسەکە بە درووشمی ( گەیاندنی دەنگی کوردان بۆ دەوڵەت و سەربەخۆیی) پاش  ساتێک راوەستان بۆ رێزگرتن لە گیان پاکی سەرجەم شەهیدانی کورد و کوردستان لەگەڵ سروودی نەتەوەیی ئەی رەقیب دەستی بە کارەکانی کرد.

سەرەتا هەڤاڵ رزگار عەباسزادە ئەندامی دەستەی بەڕێوەبەری کۆنفرانس وتەی بەخێرهێنان و کردنەوەی کۆنفرانس پێشکەش کرد.

پاشان هەڤاڵ شەماڵ پیران راپۆرتێکی سیاسیی تەشکیلاتی پێشکەش بە ئامادەبووانی کۆنفرانسەکە کرد.

لە بەشی دواتری کۆنفرانسەکەدا هەڤاڵانی هەڵبژێردراو بۆ کومیتەی گشتی و لێژنەی چاودێری سیڤییەکانیان پێشکەشی ئامادەبوانی کۆنفرانسەکە کرد.

بڕگەی دواتری کۆنفرانسەکە پێکهاتبوو لە خوێندنەوەی پەیامی رێکخراوی ئازادیی ژنانی کوردستان-نینا کە لە لایەن خاتوو لەیلا دیوبەند ئەندامی دەستەی بەڕێوەبەری کۆنفرانسەوە پێشکەش کرا.
هەروەها پەیامی رێکخراوی لاوانی ئازادی کوردستان لە لایەن هەڤاڵ شێروان چووپان بەرپرسی کومیتەی لاوانەوە پێشکەش کرا.

پاشان پەیامی کۆنفەانس بۆ کوردانی تێکۆشەری دەرەوەی وڵات لە لایەن هەڤاڵ رزگار عەباسزادەوە خوێندرایەوە.

لە بەشێکی دیکەدا پەیام و راسپاردەکانی کۆنفرانسی یەکەمی رێکخستنەکانی پارتی ئازادیی کوردستان لە دەرەوەی وڵات لە لایەن خاتوو شیراز نادری ئەندامی دەستەی بەڕێوەبەری کۆنفرانسەوە پێشکەش کرا.
 
کۆنفرانسەکە بە پەیامێکی سەرۆکی پارتی ئازادیی کوردستان دوکتور حسەین یەزدانپەنا کۆتایی بە کارەکانی هێنا.
سەرۆکی پارتی ئازادیی کوردستان لە بەشێک لە پەیامەکەیاندا ئاماژەیان بە رۆڵی گرینگی کوردانی دیاسپۆڕا کرد و هەر لەو پێوەندییەدا دەوری تێکۆشەرانی پارتی ئازادیی کوردستانی لە دەرەوەی وڵات بەرز نرخاند.
لە بەشێکی دیکەی پەیامەکەدا دوکتور حسەین یەزدانپەنا کۆمەڵێک رێنوێنی و بڕیار ڕاسپاردەی گرینگی پێشکەش بە کۆنفڕانسی یەکەمی ڕێکخستنەکانی پارتی ئازادیی کوردستان لە دەرەوەی وڵات کرد.

پاشان هەڤاڵ فەریبورز حەیدەرئابادیی ئەندامی دەستەی بەڕێوەبەڕی کۆنفرانس، وێڕای سوپاس و دەسخۆشی لە ئامادەبووان و بەڕێوەبەران و ڕێکخەرانی کۆنفرانسەکە کۆتایی هاتنی سەرکەوتووانەی کۆنفرانسی راگەیاند.

کومیتەی راگەیاندن
نوێنەرایەتی دەرەوەی وڵات
24ی ئووتی 2025