ژین و ژینگەی کوردستان؛ سووتاوی دەستی ئێران ڕاگەیەندراویPAK سەبارەت بە خۆپیشاندان و دروشمە نەتەوەییەکانی ئەمڕۆی سنە

19 کاتژمێر پێش ئێستا

ژین و ژینگەی کوردستان؛ سووتاوی دەستی ئێران
ڕاگەیەندراویPAK سەبارەت بە خۆپیشاندان و دروشمە نەتەوەییەکانی ئەمڕۆی سنە

پاشنیوەڕۆی ئەمڕۆ هەینی ٣ی گەلاوێژی ٢٧٢٥ک، ژنان و پیاوانی بە هەڵوێستی کوردستانیی شاری سنەی خوێن و بەرخۆدان، ئەسپەردەکردنی شەهیدی ژینگە «حەمید مورادی»یان لە گەڵ دەنگ ھەڵبڕین دژی داگیرکەری ئێرانی ئاوێتە کرد و بە دروشمگەلی وەک «داگیرکەری ئێرانیی، قاتڵی رۆڵەمانی»،«ژین و ژینگەی کوردستان، سووتاوی دەستی ئێران»،«هەتا کوردێ بمێنێ، کوردستانیش دەمێنێ»و «ھێزی سپای سەرمایە تاوانبارە لەم کارە» و خوێندنی سروودی نەتەوەیی، جارێکی دیکەش خاوەندارییەتیان لە ژینگەی بەر ھێرشکەوتووی دەستی ئیستیعماری ئێرانی و شەھیدانی بەرەنگاریی و  پاراستنیان کرد.
دروشمەکانی ئەو ڕێپێوانە ھێمای ڕوونی بەرزیی وشیاریی نەتەوەیی و تێگەیشتن لە پرسی سەرەکیی کوردستان و ناسینی جۆری پێوەندیی نێوان تاران و کوردستان وەک پێوەندیی نێوان  داگیرکەر و داگیرکراوە. ئەو دروشمانە پێگەیشتوویی ناسیۆنالیزمی رزگارییدەری کوردستانی و تێگەیشتن لە پێویستیی هەڵتەکاندنی بنەغەکانی دەوڵەت-نەتەوەی ئێران و دامەزراندنی کوردستانێکی سەربەخۆ و خاوەن سەروەریی نەتەوەیی، کە پارتی ئازادیی کوردستانPAK سێ دەیەیە ڕچەشکێن و پێشەنگییەتی؛ پیشان دەدەن.
شەکاوە بێ ئاڵای ئازادیی و سەربەخۆیی کوردستان
سەرکەوێ خەباتی ڕزگارییخوازیی نەتەوەیی کوردستان

پارتی ئازادیی کوردستان PAK
٣ی گەلاوێژی ٢٧٢٥ ک
٢٥ ی ژوولای ٢٧٢٥ ز