ئاواتی نەتەوەکەمان و ئەرکی ھێزە سیاسییەکانی ڕۆژھەڵاتی کوردستان:

27/03/2024

ئاواتی نەتەوەکەمان و ئەرکی ھێزە سیاسییەکانی ڕۆژھەڵاتی کوردستان:

ئێستاکە نەتەوە کۆڵنەدەرەکەمان لە ڕۆژهەڵاتی داگیرکراو بەم شێوەیە بیر و ئاواتی خۆی پیشانی دنیا دا و پەیامێکی ڕوونی بە دەوڵەتی داگیرکەری فارس دا، ئەرکی هێزە سیاسییەکانی کوردستانە کە ئەم بیر و ئیرادە و ئاوات و ئارەزووە لە ئاستی سیاسەتدا فۆرموولە بکەن و ڕێکی بخەن.
لەم نەورۆزە بەم لاوە حەق وایە و پێویستە گوتاری گشتیی سیاسەت لە ڕۆژهەڵاتی کوردستان ببێتە گوتاری سەربەخۆیی. گومانی تێدا نییە نەتەوەیەک کە ئاوا نەترسانە پاش سەرکوتی خوێناوی ڕاپەڕینی ژینا، پاش ئێعدامی پۆل پۆل ڕۆڵەکانی دێتەوە سەر گۆڕەپانەکە و دروشمی بژی سەربەخۆیی کوردستان دەدات و ئاڵای پیرۆزی کوردستان دەشەکێنێتەوە نەک هەر شایستەی گەیشتن بە دەوڵەت و سەربەخۆییە، بەڵکوو ئەو ئامانجە و ئەو ئاواتە وەدی دێنێت.
ژیان و خەبات و بوون و تێکۆشان و خوێنی ئێمە پێشکەشی ئەو ڕێبازە.