هونەرمەند عەلی زەندی کۆچی دوایی کرد

05/04/2024

بەداخەوە هەواڵی کۆچی دوایی هونەرمەندی ناسراوی نەتەوەکەمان کاک عەلی زەندی رادەگەیێنین.
عەلی زەندی هونەرمەندێکی نەتەوەیی و دڵسۆزی کوردستان کە بە دەنگە بەسۆزەکەی، هەست و سروودە شۆڕشگێڕانەکانی خزمەتێکی گەورەی بە کورد و کوردستان کردووە و رۆڵێکی گرنگ و کاریگەری لە پاراستنی ناسنامەی نەتەوەییمان گێڕاوە.
ھونەرمەند کاک عەلی زەندی تا لە باشووری کوردستان بوو، وەک پێشمەرگەیەکی ڕێگای سەربەخۆیی کوردستان لە ڕیزی پارتی ئازادیی کوردستاندا خزمەتی دەکرد. لە ماوەی ئەو ساڵانەدا بە دەنگ و ھونەرەکەی لە تێکۆشانیPAKلە رێی سەربەخۆیی کوردستاندا، بەشدار بوو. لە ماوەی ژیانیش لە وڵاتی کانادا لە کۆڕی ھەڤاڵانی دانەبڕا و لە ھەر دەرفەتێکدا، ئۆگریی خۆی بۆ ئەو ڕێبازە پڕ شکۆیە، دەردەبڕییەوە.
عەلی زەندی پاش ماوەیک بەربەرەکانێ لەگەڵ نەخۆشیی، دوێنێ شەو ١٦ی خاکەلێوەی ٢٧٢٤ی کوردی، لە وڵاتی کانادا، دڵی پڕ ھیوای لە لێدان کەوت و کۆچی دوایی کرد.
پارتی ئازادیی کوردستان PAK، سەرەخۆشیی لە بنەماڵەی هونەرمەندی کۆچکردوو، کۆڕی هونەرمەندان، هەموو کوردستانییان و سەرجەم تازییەبارانی دەکا.