ترسی دەوڵەتی داگیرکەری ئێران لە سەرکەوتنی بەڕێوەچوونی مانگرتنەکان

6 رۆژ پێش ئێستا

ترسی دەوڵەتی داگیرکەری ئێران لە سەرکەوتنی بەڕێوەچوونی مانگرتنەکان


دوابەدوای بانگەوازی پارتە سیاسییەکانی رۆژهەڵاتی کوردستان بۆ مانگرتنی گشتیی، بۆ رێگرتن لە ئێعدامی پەخشان عەزیزی و وریشە مورادی؛ ئەمڕۆ چوارشەممە ٣ی رێبەندان هەروەک چاوەڕوان دەکرا، خەڵکی رۆژهەڵاتی کوردستان بەدەم بانگەوازەکەوە هاتن و بە داخستنی دووکان و بازاڕەکان پەیامی کۆڵنەدان و بەرخۆدانی خۆیان بە گوێی دەوڵەتی ئێرانی داگیرکەردا دایەوە و یەکگرتوویی ئەم نەتەوەیەیان نیشان‌دا.
لەگەڵ سەرکەوتنی بەڕێوەچوونی مانگرتنەکە؛ لە سنە، سەوڵاوا، دیواندەرە، سەقز و شارەکانی دیکەی رۆژهەڵات هێزەکانی بەرفەرمانی ئێران بە جلی مەدەنییەوە کەوتوونەتە شکاندنی دەرگا و پەنجەرەی بەشێک لەدووکانەکان.
لەلایەکی دیکەشەوە کەوتوونەتە پۆلۆمپ کردنی دوکانەکان و نیشانەکردنیان، بۆ ئەوەی دواتر خاوەنەکەیان بانگبکرێ بۆ لێپرسینەوە؛  هەروەها پێوەندییان کردووە بە بەشێکی زۆر لە کاسبکاران و هەڕەشەیان لێ کردوون.
هەڕەشە و گوشارە جۆراوجۆرەکانی دەوڵەتی داگیرکەر، رۆڵەکانی ئەم نەتەوەیە ناوەستێنێ و دواجار یەکگرتوویی ئەم نەتەوەیە هێزی ئەو دەوڵەتە ساختەیە تێکدەشکێنێ و لە کوردستان رایاندەماڵێ.