تاوانێکی دیکەی دەوڵەتی داگیرکەر؛ لەسێدارەدانی ڕۆڵەیەکی کورد

22/04/2025

تاوانێکی دیکەی دەوڵەتی داگیرکەر؛ لەسێدارەدانی ڕۆڵەیەکی کورد

سەرلەبەیانیی ٣١ی خاکەلێوەی ٢٧٢٥، سزای لەسێدارەدانی بەندکراوی سیاسیی کورد، حەمید حسەین‌نژاد حەیدەرانلوو لە بەندیخانەی ورمێ، جێبەجێکرا.
حەمید حسەین‌نژاد تەمەن چل ساڵان و باوکی سێ منداڵ و خەڵکی چاڵدێران؛ پاش سێ ساڵ لە دەسبەسەرکران و دۆسییەسازیی بۆی،لە لایان دەسەڵاتی داگیرکەری نیشتمانەوە، لەسێدارەدرا.
شەھیدحەمید حسەیننەژاد، رۆژی شەممە بۆ ژووری تاکەکەسی راگوێزرابوو و رۆژی دواتر بێ ئاگاداریی بنەماڵە و کەسوکاری، بە نهێنیی لەسێدارە درا.
دەوڵەتی داگیرکەری ئێرانی، لە گەڵ خوڵقانی تاوانەکەش، تەرمی شەھیدەکە ڕادەستی کەسوکارەکەی ناکات و رێگەی بەڕێوەچوونی هیچ رێوڕەسم و پرسەیەکیان پێ نادا.
پارتی ئازادیی کوردستان، وێڕای سەرەخۆشیی لە کەسوکار و بنەماڵەی حەمید حسەین‌نژاد؛ پێداگریی لەسەر ئەو راستییە دەکاتەوە کە گیان و سەروماڵ، ئارامی، بەختەوەری و ئاسایشی تاک و کۆی کوردستانییان، ژینگە و سروشت و سەروەت و سامانی کوردستان تەنیا لە کوردستانێکی ئازاد و سەربەخۆدا پارێزراو دەبن.

پارتی ئازادیی کوردستان
کومیتەی راگەیاندن
٢ی گوڵانی ٢٧٢٥ ک