کوردستان چۆن نەوڕۆژی خۆی لە نوروز ئێرانیی جیا کردەوە؟

27/03/2024

کوردستان چۆن نەوڕۆژی خۆی لە نوروز ئێرانیی جیا  کردەوە؟

ڕۆژهەڵاتی کوردستان بە بەڕێوە بردنی ئەو نەورۆزە کە دەکرێ نێوی بنێین نەورۆزی خەبات و تێکۆشان لە پێناوی سەربەخۆییدا، بڕگەیەکی زۆر پڕ شانازیی لە مێژووی خەباتی نەتەوەی کورد تۆمار کرد. ڕۆڵەکانی نەتەوەکەمان لەم نەورۆزەدا پەیامێکی زۆر پڕ ناوەرۆکیان بەڕووی جیهان و بەڕووی دوژمناندادا و هاوکات ئەو پەیامە لە ناوخۆشەوە جارێکی دیکە لە بۆنەکانی داهاتوودا و لە نەورۆزەکانی داهاتوودا بەرهەم دەهێننەوە.
 بەم نەوڕۆژە ڕۆژهەڵاتی داگیرکراو ناسنامەی نەتەوەیی خۆی، ڕوانگەی بۆ نەوڕۆژ لەگەڵ ناسنامەی ئێرانی و نوروزی ئێرانی جیاکردەوە. نەک تەنیا لەبەر ئەوەی گوڕوتینی نەوڕۆژیی زۆر بوو؛ نەک تەنیا بەوەی پانتایی بەڕێوەبردنی نەوڕۆژ فراوان بوو، ئەوانە هەمووی لە جێی خۆی؛ بەڵکو بەو خۆئاگاییەی کە ژنان و پیاوانی ئەو نیشتمانە داگیرکراوە لە خۆیان پیشاندا، کە ئەوەش لە دروشمە شانازی خوڵقێنەکانی ''بژی سەربەخۆیی کوردستان؛ داگیرکەری ئێرانی تۆ قاتڵی ژینامانی؛ کوردستان، گۆڕستانی فاشیستان؛ هەتا کوردێک بمێنێ کوردستان هەر دەمێنێ؛ هەتا دەوڵەتمان نەبێ، ئەوە هەر بەشمان دەبێ'' ئەوە مەبەست جنایەت و تاوانەکان و تاڵانەکانی دەوڵەتی ئێرانە؛ بەم دروشمانە، هاوکات لەگەڵ ئەوەی بەتەواوەتیی نەوڕۆژی کوردستان لە نوروزی ئێرانی جیاکرایەوە، هاوکات هەبوونی بیر و ئیرادەیەکی بەهێزیش لە نێو ڕۆڵەکانی ئەو نیشتمانە داگیرکراوەماندا پیشاندرا.
بۆیە جارێکی تر، نەک جارێ، هەزاران جار ئەو نەوڕۆژە لە نەتەوەی کورد پیرۆز دەکەمەوە.