دواین هەواڵ

2022-07-01 بڕیارنامەی کۆبوونەوەی مەجلیسی گشتییPAK سەبارەت بە پێویستیی پێکهێنانی بەرەیەکی کوردستانیی 2022-06-29 سڵاو لە سەرکردەی شەهیدی کوردایەتیی "شێخ سەعیدی پیران" لە 97 ساڵەی لە سێدارەدانیدا 2022-06-28 🔶کچان و کوڕانی پێشمەرگە لە سەنگەرەوە بۆ#علی_تولابی،گۆرانی دەستێننەوە. 2022-06-26 لە بەهاری ئەمساڵەوە زیاد لە چوار کەس رۆژهەڵاتی کوردستان کۆتاییان بە ژیانی خۆیان هێناوە 2022-06-23 بڕیارنامەی کۆبوونەوەی مەجلیسی گشتییPAK سەبارەت بە حەولەکانی پاراستنی دەوڵەت-نەتەوەی ئێران و سەروەریی سیاسیی فارس 2022-06-22 بەرپرساییەتێکی هەستیار لە خەباتێکی بێ وچان 2022-06-22 لە بری ئەوەی باسی شەری داهاتوو بکەین،لێم گەرێن با من باسی شەڕی رابردوو بکەم 2022-06-20 ڕاگەیەندراوی بەڕێوەچوونی کۆبوونەوەی مەجلیسی گشتیی PAK 2022-06-10 وەڕێ‌خستن یان داڕمان یان سەربەخۆیی؟ 2022-06-04 ناسیۆنالیزم 2022-06-01 ♦ لە ۳۱ ساڵەی دامەزراندنی پارتی ئازادیی کوردستان و ۲ ساڵەی دامەزراندنی سپای میللیی کوردستان، رۆڵەکانی نیشتمان بە دەنگێکی بەرزەوە هاوار دەکەن: شەهید سەعید پێشمەرگەتین 2022-06-01 🔶️ سپای میللیی کوردستان وانەی یەکڕیزی رۆڵەکانی رۆژهەڵاتە هەر لە ماکوو هەتا لۆڕستانات و بەختیاری، وانەی ئێرادەی نەتەوەیەکە دژی چەوساندنەوە و داگیرکاری. 2022-06-01 🔶 سپای میللیی کوردستان؛ بەرھەمی ئەو قوتابخانە فکری و سیاسییەی، بە رۆڵەی شۆڕشگێڕ و بیروھەستی نەتەوەیی، رۆژھەڵاتی داگیرکراوی لە ماکۆ تا لوڕستانان،یەکخستووە:‌ 2022-06-01 ⭕️ سپای میللیی کوردستان،بازووی بەھێزی کوردایەتیی و کوردستانییەت: 2022-06-01 🔶 سپای میللیی کوردستان، لەشکری رزگاریی رۆژھەڵاتی داگیرکراو لە بندەستیی دەوڵەتی فارس دا :‌

بابەت

پارتی ئازادیی کوردستان لە نێوان پیلانگێڕیی تاران و رەخنەی بنیاتنەردا

30/01/2022


مافناس: ئەدیب خالیدیان
دەزگا سیخوڕی و تیرۆریستییەکانی تاران و شۆڤێنییە ئێرانییەکان و دارودەستەکانیان هەرماوە جارێک دەکەونە قورمیشکردنی ژمارەیەک بەناو رۆژنامەنووسی قەڵەمفرۆش بۆ پەلامارادان و هۆنینەوەی درۆ و بوختانی بێ بنەما و کاوێژکردنەوەیان لە دژی پارتی ئازادیی کوردستان و بەڕێز حسەین یەزدانپەنا سەرۆکیPAKو فەرماندەی گشتیی سپای میللیی کوردستان.
جاش میدیاییەکانی قەرارگەی رەمەزان و ھەمزەی سپای پاسدارانیش بە ھەمان دەستوور لە سۆشیالمیدیا بە ئاشکرا لە سەر راسپاردەی ئاغاکانیان و لەسەر داوای دام و دەزگا ھەواڵگریی و تێرۆریستییەکانی ئێران بەردەوامن لە چەواشەکارییەکان و چەندپاتکردنەوەی ئەو درۆ و دەنگۆوانەی ساڵانێکە بێ پسانەوە دژی PAK و رێبەرایەتییەکەی هۆنیویانەتەوە.
ھەرچەند تەقەلای ئەو دام و دەزگایانەو جاشقەڵەمەکانیان نەیانتوانیوە کاریگەریی بکەنە سەر هزری گشتیی وکۆمەڵگەی کوردیی هوشیارتر لەوەیە کە فریوی مەکینەی چەواشەکاریی و کاوێژکردنەوەی ئەو درۆ و دەنگۆیانە بخۆن و پارتی ئازادیی کوردستان و رێبەرەکەشی زۆر لەوە پاکتر و رۆشنترن بە درۆ و بوختان روومەتیان بڕووشێت ؛ بەڵام دیسانیش بۆ زیاتر ریسواکردنی ئەو خۆفرۆشانە و لە قاودان و پووچەڵ کردنەوەی ھەوڵ و پیلانەکانیان، رۆڵە بەشەرەفەکانی کوردستان بەردەوام و شێلگیر بن لە بەرپەرچدانەوەیان.
رق و قینی دوژمنی داگیرکەر لە PAK و رێبەرایەتییەکەی دەگەڕێتەوە بۆ سەرکەوتنەکانی PAK لە گرتنەبەری رێبازی دروستی کوردایەتی و رۆڵی کاریگەری لە پووچەڵکردنەوەی ئەو پیلان و خەرج و خوێنەی کە تاران بۆ ئاسمیلەکردنی کورد و لێکجیاکردنەوە و لێکدابڕانی بەشەکانی کوردستان داویەتی. ھەروەھا پێکھێنانی سپایەکی بەهێز لە کچان و کوڕانی رۆژهەڵات لە ماکۆوە تا لوڕستان و بەختیاری و بەستنەوەی هەموو بەشەکانی رۆژهەڵاتی کوردستان پێکەوە خەوی ئارامی تارانی زڕاندووە.هەروەها دەور و رۆڵی کاریگەری پارتی ئازادیی کوردستان لە چەند ساڵی رابردوودا لە بەرەنگاربوونەوەی داعش و حەشدی شەعبی و سپای قودس لە باشووری کوردستان و زیادبوونی خۆشەویستی و رێزی خەڵکی باشوور بۆ بەڕێز حسێن یەزدانپەنا و PAK لە بەر ئەو قارەمانێتییەی کە بۆ پاراستنی کیانی باشووری کوردستان نواندوویانە گرێیەکی خڕی گەورەی لەسەر دڵی تاران چێ کردووە. هەر بۆیە تاران و کلک و دارودەستە ریسواکانی سیاسەتی درۆ و ناو زراندن و تیرۆری شەخسییەت دەکەنە پیشە و لە رێگەی بووکەڵە قورمیشکراوەکانیانەوە دەیانەوێ هزری گشتیی بەلاڕێدا بەرن.
سەرەڕای ھەموو ئەو شانازیی و دەسکەوتانە؛ سیاسەتی گشتیی PAK و رێبەرییەکەی ئەوەیە کە بە دڵی فراوانەوە، پێشوازیی لە ڕەخنەو هەڵسەنگاندنی لۆژیکیی هەر تاکێکی کورد و هەر مرۆڤێک لە ھەر پرس و بابەتێکی پەیوەندیدار بە سیاسەت و پراکتیکیPAKو سپای میللیی کوردستان بکەن. بەڵام لە هەمانکاتدا تێکۆشەرانی رێبازی رادانی داگیرکەران و سەربەخۆیی کوردستان، دوو دڵ و دوورەپەرێز و دەستەوەستان نابن لە دەمکوتکردن و ریسوا کردنی کەس و گروپە جاشقەڵەم و سیخوڕەکانی بەرفەرمانی تاران یان چڵکاوخۆرانی ھەر داگیرکەرێکی کوردستان.
تێکۆشەرانی سنوورنەناسی پارتی ئازادیی کوردستان مستی قایم لە دەمی ،ھەر جاش و سیخوڕێکی میدیایی تاران دەوەشێنن و لە جێگای کڵۆ بەردیان تێدەسرەوێنن و ھەر کاتیش پێویست بەھەر ھەنگاوێکی دیکە بکات، لێیان دێ و لە مەیدانی زەبریشدا، بە دەست و برد و بڕشتن.



سەرەوە