نەسرین قادری، کە لە تاران لەلایان هێزەکانی دەوڵەتی ئێرانەوە بەر پەلاماردرا، شەهید بوو.

05/11/2022

 

نەسرین قادری کچى ئەحمەد قادری و سەڵتەنەت ئیلبەیگی، خەڵکی مەریوان، کە لە تاران قوتابی بوو، لەراپەڕینی رۆژانی رابردوودا کەوتبووە بەر پەلامار و هێرشی هێزەکانی دەوڵەتی ئێران و بە باتووم لێی درا و لەبەر سەختیی برینەکەی لە نەخۆشخانە مابووەوە، بەداخەوە دوێنێ‌شەو گیانى لەدەست دا و شەهیدبوو؛ بڕیارە ئەمشەو تەرمەکەى بگەڕێنرێتەوە مەریوان.
سبەی ١٥ خەزەڵوەر تەرمی شەهید نەسرین لە مەریوان بەخاک دەسپێردرێ.
ئیتلاعات و سوپا بە بنەماڵەکەیان راگەیاندووە کە خۆیان تەرمی نەسرین دەهێنینەوە و دەیبەینە گۆڕستان و دەیانهەوێت بە بێدەنگی بەخاکی بسپێرن.
پێویستە خەڵکی بوێر و قارەمانی مەریوان خاوەندارێتی لەخوێنی نەسرین بکەن و رێگا نەدەن دەوڵەتی داگیرکەر بەنهێنی و شاراوەیی تەرمی شەهیدانی راپەڕین بەخاک بسپێرێ.