مووسا ئیسماعیلی لەژێر ئەشکەنجەی هێزەکانی دەوڵەتی داگیرکەردا گیانی سپارد

08/07/2023

مووسا ئیسماعیلی لەژێر ئەشکەنجەی هێزەکانی دەوڵەتی داگیرکەردا گیانی سپارد

ئەمڕۆ شەممە، 17 پووشپەڕی 2723کوردی، پاش دوو مانگ لە دەسبەسەرکرانی «مووسا ئیسماعیلی»، ئیدارەی ئیتلاعاتی ورمێ، بنەماڵەکەی ئاگادار دەکەنەوە کە بۆ وەرگرتنەوەی تەرمی کوڕەکەیان سەردانی دامودەزگا حکومییەکان بکەن.
مووسا ئیسماعیلی تەمەن 35 ساڵان، خەڵکی پەسوێی پیرانشار، لە 17 گوڵانی ئەم ساڵدا لە لایان هێزەکانی دەوڵەتی داگیرکەرەوە دەسبەسەرکرا بوو، و ئەمڕۆ خانەوادەکەی ئاگادارکراوەتەوە کە لەسێدارە دراوە. ئەم جەنایەتە لە کاتێکدا خوڵقاوە کە هیچ قۆناغێک لە پڕۆسەی دادگایی کردنی ئەو ڕۆڵە غەدرلێکراوەی کوردستان تەنانەت بە پێی یاسای بێدادگاکانی خۆشیان، ڕەچاو نەکراوە. بۆیە لەوە دەچێت لەژێر ئازار و ئەشکەنجەی توندی هێزەکانی بەرفەرمانی تاراندا گیانی سپاردبێت.
ھەتا سەروەریی ئێران لەسەر کوردستان بەردەوام بێت سەر و ماڵ و کەرامەتی مرۆڤی کورد ھەر دەم لە مەترسییدا دەبێت. بە درێژەکێشان و مانەوی سەروەریی دەوڵەتی داگیرکەری فارس بەسەر نیشتمانماندا، قوربانییەکانمان زیاترو زیاتر دەبن. رێگای رزگاری، ئۆقرە و بەختەوەریی تاک و کۆی کورد لەگرەوی هەڵتەکاندنی ئەم نیزامە کڵۆنیالیستییە و گەیشتن بە دەوڵەت و سەربەخۆیی کوردستانە. دەبا خوێنی مووسا، ھاندەرێکی دیکە بۆ خەبات لە پێناو سەربەخۆیی کوردستاندا بێت.

پارتی ئازادیی کوردستانPAK
کۆمیتەی راگەیاندن
17 پووشپەڕ 2723کوردی
8 جوولای 2023 زایینی