حوکمی لەسێدارەدانی ڕەزا ڕەسایی جێبەجێ کرا

06/08/2024

بەرەبەیانی ئەمڕۆ سێشەممە ١٦ی گەلاوێژی ٢٧٢٤ک، ئێرانی داگیرکەر حوکمی لەسێدارەدانی رەزا رەسایی لە بەندیخانەی دیزڵابادی کرماشان بە نهێنیی جێبەجێکرد.
ڕەزا ڕەسایی تەمەن ٣٤ ساڵان، خەڵکی شاری سەحنەی سەر بە پارێزگای کرماشان و پەیڕەوی ئایینی یارسان، و یەکێ لە دەسبەسەرکراوانی راپەڕینی ژینا کە لە ٣ سەرماوەزی ٢٧٢٢ ک، دا دەسبەسەر و پاشان لە رەزبەری ٢٧٢٣ک، لە لایەن لقی دووی دادگای تاوانەکانی یەکی پارێزگای کرماشانەوە بە تۆمەتی کوشتنی بە ئەنقەستی نادر بەیرامی، بەرپرسی ئیدارەی ئیتلاعاتی شاری سەحنەی ئێرانی داگیرکەر، حوکمی لەسێدارەدانی بەسەردا سەپێندرا.
بەرەبەیانی ئەمڕۆ، بە نهێنی و بێ ئاگاداریی کەسوکارو بنەماڵەکەی حوکمی لەسێدارەدانی جێبەجێکرا.