هونەرمەند و راپێری کورد «خەتەر»کۆچی دوایی کرد

پێش 3 هەفتە

هونەرمەند و راپێری کورد «خەتەر»کۆچی دوایی کرد

 دوێنێ ٩/٥/٢٠٢٥ هونەرمەند "ژیوار حاجبی » ناسراو بە "خەتەر" لە ئاڵمانیا کۆچی دوایی کرد.
خەتەر لە سنەی رۆژهەڵاتی کوردستان لە دایک ببوو. ھێشتا ساوا بوو پەڕیوەی ھەندەران بوون. خەتەر بە تێکۆشانی ھونەریی خۆی ببووە یەکێ لە هونەرمەندە بەناوبانگەکانی ئاڵمان و ناوبانگی جیھانیی دەرکردبوو. خەتەر لە گۆرانییەکانی‌دا بە زمانی جیاواز باسی کورد  و داگیرکراویی کوردستانی دەکرد. خەتەر بێجگە کە چالاکیی ھونەریی لە ئاڵمان سەردەمانێک یەکێ لەو کەسانە بوو بەرەنگاری گرووپە فاشیستییەکانی دژ بە کورد دەبوویەوە.
مخابن ئەو ھونەرمەندە بە ناوبانگەی کورد، دوێنێ لە تەمەنی ٤٣ ساڵی‌دا لە نەخۆشخانەی بۆنی ئاڵمان کۆچی دوایی کرد. هەرچەند خەتەر ساڵانێک بوو نەخۆشیی شێرپەنجەی خوێنی گرتبوو، بەڵام تا ئێستا هۆکاری کۆچی دوایی نەزانراوە و لەلایان بنەماڵەکەیەوە داوای توێکاری و بەدواداچوون بۆ هۆکاری مردنی کراوە.
پارتی ئازادیی کوردستان بەم بۆنەیەوە سەرەخۆشیی پێشکەشی بنەماڵە و دۆستانی دەکا.