بەیاننامەی پارتی ئازادیی کوردستانPAKبەبۆنەی بەرپەلامارکەوتنی ئێران

2 رۆژ پێش ئێستا

بەیاننامەی پارتی ئازادیی کوردستانPAKبەبۆنەی بەرپەلامارکەوتنی ئێران

 هەروەک پێشبینی دەکرا، سەرەنجام بەرەبەیانیی ئەمڕۆ بنکە ئەتۆمی و هاژەکییەکان، ناوەندەکانی بەرهەمهێنانی درۆن و سەربازگەکانی سپای پاسداران و فەرماندە لە کون خزیوەکانی، بەر هێرشی خەستی ئیسرایل کەوتن.
لە ئاکامی ئەم هێرشانەدا بەشێکی زۆر لەو دامەزراوانە تەفروتوونا کراون و پۆلێک لە فەرماندە سەرەکییەکانی سپای پاسداران،کوژراون.
بەرپرسیارێتی ئەو شەڕە بە ھۆی حەولدان بۆ بەرھەمھێنانی چەکی ناوکیی و ھاژەکیی و ھەڕەشە لە سەقامگیریی و ئاسایشی ھەرێمی و ھەڕەشەی لە ناوبردنی ئیسرایل و پێکھێنانی گرووپ و ڕێکخراوی تێرۆریستیی لە ڕۆژھەڵاتی ناوەڕاست، لە ئەستۆی تارانە.
دەوڵەتی ئێران لە ١٠٠ ساڵی رابردوودا بە گشتیی و ٤٦ ساڵی کۆماری ئیسلامیی بەتایبەتیی، بە نرخی برسیی‌کردنی خەڵک، داهاتی گشتیی لە پڕۆژە و بواری لەشکریی و ئاسایشی‌ و تێرۆریستیی دا، خەرج کردووە؛ لە حاڵێکدا هەرگیز لە هیچ شەڕێکی دەرەکیی‌دا سەرکەوتوو نەبووە و کۆی مەکینەی جەنگ و ئاسایشی لە خزمەت سەرکوتی نەتەوە بندەستەکان و پاراستنی قەوارە ناڕەسەن و ئیستیعمارییەکەیدا بووە.
بۆیە هەڵوێستی پارتی ئازادیی کوردستان وەک هەمیشە روون و ئاشکرا و راشکاوە و پشتیوانیی لەو هێرشانە و لە پڕۆسەی لە ناوبردنی تواناییە لەشکری و ئاسایشییەکانی ئێران دەکات.
پارتی ئازادیی کوردستانPAKهەر لەو کاتەدا کە لێدان و خاپوورکردنی ژێرخانی لەشکریی و لەناوبردنی تواناییەکانی ئێران و لەناوبردنی فەرماندەکانی سپای پاسداران بە هەنگاو و قۆناغێکی گرینگ بۆ ڕمانی شیرازەی کۆماری ئیسلامیی دادەنێ، بۆ کۆتاییهێنانی یەکجاریی بە ڕێژیم یان پچووک کردنەوە و لە تاران پەستاوتنی، لەسەر راپەڕینی سەرانسەریی نەتەوەکان پێدادەگرێ و هیوادارە کە راپەڕینی گشتیی خەڵک کۆتایی بە٤٦ ساڵ حوکمی تاوان و تاڵان بێنێ.


پارتی ئازادیی کوردستانPAK
٢٣ی جۆزەردانی ٢٧٢٥ ک
١٣ی ژووەنی ٢٠٢٥ ز