مامۆستایەکی ئایینی بە پازدە مانگ زیندانیییکردن حوکم درا.

30/08/2024

مامۆستا سابیر خودامورادی، پێشنوێژی مزگەوتی گەڕەکی  قەوەخی سەقز، لەلایان دادگای تایبەت بە مامۆستایانی ئایینیی هەمەدانەوە بەتۆمەتی پڕوپاگەندە دژی رژێم بە ١٥ مانگ بەندکرن سزا دراوە و ئەم سزایەی لە رێگەی پێوەندییەکی تەلەفۆنییەوە پێ راگەیێندراوە.
ناوبراو پێشتر لە رەوتی راپەڕینی ژینادا، بەهۆی بەرگریی لەخەڵک و هەستانەوە لەدژی دەسەڵات لەلایان دادگای تایبەت بە مامۆستایانی ئایینیی هەمەدان بانگ کرابوو.

جێگای ئاماژەیە، مانگی گوڵانی ساڵی پار مامۆستا سابیر، بە تۆمەتی پڕوپاگەندە دژی رژێم و تێکدانی زەینی گشتیی بە حەوت مانگ بەندکردنی هەڵپەسێردراو و لێدانی ٧٤ قامچیی هەڵپەسێردراو حوکم درابوو.