بەپەلە: مەترسیی لەسێدارەدانی چوار بەندکراوی کورد:

27/01/2024

بەپەلە: مەترسیی لەسێدارەدانی چوار بەندکراوی کورد:
ئەمڕۆ ئێوارە ٧ی رێبەندانی ٢٧٢٣ ک، لەلایان بەشی جێبەجێ کردنی حوکمەکان و دەزگا ئەمنییەکانی دەوڵەتی داگیرکەری ئێرانەوە، بنەماڵە و کەسوکاری چوار بەندکراوی کورد  " پژمان فاتحی، موحسین مەزڵووم، وەفا ئازەربار، محەممەد فەرامەرزی " ئاگادارکراونەتەوە کە بۆ دیتن و چاوپێکەوتنی منداڵەکانیان، سبەی زوو سەردانی بەندیخانەی ئەوین بکەن.
دەوڵەتی داگیرکەری ئێران بۆ تواندنەوە و لەنێوبردنی ئەم نەتەوەیە، دەست لە خولقاندنی هیچ تاوانێک ناپارێزێ ودرێغیی ناکا لە ئەنجامدانی هەر کردەوەیەکی نامرۆڤانە.
تاکە رێگای رزگاریی کورد و کوردستان وەدەرنانی داگیرکەران و دامەزراندنی دەوڵەتی سەربەخۆی کوردستانە.
پێویستە لەسەر هەموو حیزب و لایەنە سیاسی و رێکخراوەییەکان و گشت خەڵکی کوردستان لەبەرانبەر ئەم تاوانەی دەوڵەتی داگیرکەر هەڵوێست بنوێنن و رێگریی بکەن لە خولقاندنی تاوانێکی دیکە.
لانیکەمی کارێک کە ئێستا پارتە سیاسییەکانی ڕۆژھەڵاتی داگیرکراو لەسەریانە بیکەن بانگەوازێکی ھاوبەشە ڕوو لە دەوڵەتان و ڕێکخراوە جیھانییەکان بۆ  ڕێگریی لە  ئێعدامی  ئەو چوار بەندییە سیاسییەیە.