دواین هەواڵ

2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران 2024-03-28 پەیامی سەرۆکیPAK بە بۆنەی ١٠ی خاکەلێوە و سێزدەبەدەری کوردستان:

بابەت

پیرۆزبێت ٢٦ی سەرماوەز ڕۆژی ئاڵای کوردستان

17/12/2021

سەرەتا دەمەوێت ئاماژە بەوە بکەم کە ڕێکخراوی نەتەوە یەکگرتووەکان بەم شێوەیە پێناسە و شرۆڤەی ئاڵا دەکات : « ئاڵا بۆ هەر نەتەوە و دەوڵەت و هەرێم و حزب و گرووپێک ، هێما و ناسنامە و شانازییەکی بەرجەستەیە » 

ئاڵای هەر وڵاتێک ڕۆڵ و دەورێکی گرنگ دەگێڕێ بۆ ناساندنی ئیرادە و ئامانج و هەزری سیاسی و فەلسەفەی هەر نەتەوەیەک ، هەروەها هاوکات شرۆڤەیەکە لە کلتوور و ژئۆپۆلێتیک و ڕووداوە گرنگەکانی مێژووی ئەو نەتەوەیە . ھەر بۆیە ئێمەی کوردیش ڕەنگی سووری ئاڵامان هێمای وزە و هێز و توانا و ئیرادەی ڕۆڵەکانی نەتەوەکەمان شرۆڤە دەکات کە لە پێناو سەروەری و سەربەخۆیی وڵاتەکەمان  گیانیان فیدا کردووە ، ڕەنگی سپی ئاڵامان هێمای دڵپاکی و بێگەردی و ئاشتەوای نەتەوەکەمانە کە هەموو کات لە ناوچەکەدا بۆ سەقامگیر بوونی ئاشتی و ئارامی تێکۆشاوە ، ڕەنگی سەوزی ئاڵامان شرۆڤەی ئاوەدانی و ئارامی و خۆشی و سرووشتێکی پڕسامانی کوردستانە ، هێمای خۆریش لە ناوەندی ئاڵاکەمان شرۆڤەی رووناکی و موژدەی داهاتوویێکی گەشی کوردە لە چوارچێوەی کوردستانی مەزن و هەروەها بیست و یەک تیشکی خۆرەکە نیشانەی ٢١ی ئادارە کە نەورۆز و یەکەم رۆژی وەرزی ساڵی نوێە .

هەڵ کردنی ئاڵای کوردستان لە رۆژانی رێفراندۆمی سەربەخۆیی و بۆنە و سەرخۆشی کەسایەتی و مامۆستایان لە رۆژهەڵاتی کوردستان بۆ دوژمنانی نەتەوەکەمانی دەرخست کە کورد یەک نەتەوەیە و ئاڵای کوردستان بەو جۆرەی کە ئەوان پێناسەی دەکەن بەتەنیا ئاڵای باشووری کوردستان نییە. بۆیە ئەرکێکە لەسەر هەموو حزب و رێکخراو و تاکێکی ئەم نیشتمانە کە لە هەر بەشێکی کوردستانی داگیرکراو دەژین ئاڵای کوردستان بەرز رابگرن و لە لایەن هەر تاکێکی کورد ئەم رۆژە پیرۆزە بایەخی تایبەتی پێ بدرێت .

لەدوای لە سێدارەدان و شەھید بوونی پێشەوای نەمر و هەرس هێنانی کۆماری کوردستان لە ساڵی ١٩٤٦ هەتا هاتنە مەیدانی پارتی ئازادیی کوردستان لە ساڵی ١٩٩١ و هەڵکردنی ئاڵای کوردستان بەفەرمی لە رێکەوتی ٢٢ی ژانوییەی ١٩٩٤ ، هیچ حزب و رێکخراو و لایەنێک توانای هەڵکردنەوەی ئاڵای کوردستانیان لە رۆژهەڵاتی کوردستان نەبووە جگە لە « پاک» ، کە ئەمەش یەکێکە لە دەیان شانازییە تۆمار کراوەکانی « پاک» لە مێژووی پڕ لە سەروەریەکەیدا.
بە مەبەستەی هەڵکردنەوەی ئاڵای کوردستان لە رۆژهەڵاتی نیشتمان کاروانێکی دوور و درێژ لە ڕۆڵەکانی نەتەوەکەمان لە رۆژهەڵاتی کوردستان بەدەستی دەوڵەتی داگیرکەری ئێران شەهید کراون . لەم رۆژە پیرۆزەدا پەیمان و بەڵێنمان نوێدەکەینەوە و سڵاو و ڕێز و سەری کڕنۆش دادەنوێنین بۆ سەرجەم شەهیدانی رێگای رزگاری کوردستان بەگشتی و شەهیدانی کاروانی ئاڵا بە تایبەتی . ھیوادارم ڕۆژێک لەم ڕۆژە مێژوویانەی نەتەوەکەمان ببێتە ڕۆژی تووڕدانی کینە و ڕەق و بەرژەوەندی حزبی و هەوێنێک بۆ پێکهێنانی بەرەیەکی کوردستانی بۆ ڕاماڵینی داگیرکەر و داماڵینی ئاڵاکەیان و سەقامگیر کردنی سپای میللیی کوردستان و هەڵکردنەوە ئاڵای پیرۆزی نیشتمان لەهەموو پارچەکانی کوردستان بەگشتی و لە رۆژهەڵاتی کوردستان بەتایبەتی کە ڕەمزی سەرکەوتوویی و سەروەریی و پاراستنی هەتاهەتایی ، دامەزراندنەوەی کۆماری کوردستانە .

دووبارە پیرۆزبایی ئەم ڕۆژە مێژوویە لە هەموو گەلی کورد دەکەم و هەر شەکاوە بێت ئاڵای پیرۆزی کوردستان . 

جوانشێر ڕەفعەتی
٢٦ی سەرماوەزی ٢٧٢١ کوردی
١٧ی  دیسەمبری   ٢٠٢١ زایینی

سەرەوە