ڕاگەیەندراوی ژمارە( 91 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

05/12/2022

ڕاگەیەندراوی ژمارە( 91 )ی ڕاپەڕینی کوچک و بەردی رۆژهەڵاتی داگیرکراو
"ڕاپەڕین تا ڕاماڵینی داگیرکەران لە نیشتمان"

ئەمڕۆ دووشەممە ١٤ سەرماوەز، رۆڵە سەربەرزەکانی رۆژهەڵات بە مانگرتن و داخستنی دوکان و بازاڕەکان، پێداگریی خۆیان لەسەر هەڵوێستی بوێرانە و هەنگاوی یەکگرتووانەیان کردەوە و درێژەیان بەم رابوونە پڕشکۆیەدا کە هەشتا رۆژە بڵێسە دەستێنێ و گڕی لە هەناوی دەوڵەتی داگیرکەری ئێران بەرداوە.
ئەمڕۆ لە زۆربەی شار و شارۆچکەکانی رۆژهەڵات، لە مەریوان، بۆکان، کامیاران، روانسەر، جوانڕۆ، شاباد، ئابدانان، ئەیوان، سەقز، پاوە، بانە، سنە، دێولان، کرماشان، ئیلام، مەهاباد، بجنورد، ورمێ و شنۆ، خەڵکی راپەڕیو بە مانگرتن و داخستنی دوکان و بازاڕەکان بۆ کۆتایی هێنان بە سەروەری و حوکمی داگیرکەرانەی ئێران بەردەوامییان بە راپەڕینی راماڵینی داگیرکەردا.

پارتی ئازادیی کوردستان PAK
کۆمیتەی راگەیاندن
١٤ سەرماوەز ٢٧٢٢ک
٥ دیسامبر ٢٠٢٢ز