دواین هەواڵ

2024-07-12 ​ ٩ ناوەندی بیری( تینک تانک) ئەمریکا دەڵێن: ئێران لە دروستکردنی چەکی ئەتۆمی نزیک بووەتەوە 2024-07-09 بەهۆی ھێرشێکی ئیسراییلەوە، پێنج کەس کوژران 2024-06-25 کوردستان نابێتە کەرەستەی پڕۆژە و پلانەکانی بەڕێوەبەرانی دەوڵەتی ئیستیعماریی ئێران ڕاگەیەندراوی PAK سەبارەت بە شانۆگەریی هەڵبژاردنی سەرکۆماریی ئێران 2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند

ڕاگەیەندراو

ڕاگەیەندراوی PAK سەبارەت بە ڕووداوەکانی شاخی کۆساڵان

19/06/2023

ڕاگەیەندراوی PAK سەبارەت بە ڕووداوەکانی شاخی کۆساڵان

لە رۆژی ٢٢ی جۆزەردانەوە(١٢ی ژووئەن)هێزەکانی سپای پاسداران، شاخی کۆساڵانیان داوەتە بەر ڕهێڵەی تۆپ و خۆمپارە و دۆشکە. هەروەها هالیکوپتەر و درۆن بە سەر ئاسمانی کۆساڵاندا دەسووڕێننەوە. میدیاکانی ئێران بەگشتی و سوپای پاسداران بە تایبەتی، هەموو توانایان خستووەتەگەڕ وێنەی شەڕ و تێکهەڵچوونێکی توند و گەورە لەگەڵ«ضد انقلاب»، وێنا بکەن. لەم حەولەدا وێنەی سێ ساڵ لەمەوبەر و  ڤیدۆی لێڵی هێندێک تێکهەڵچوونی کات و شوێن نادیاری بەرزاییەکی بێ دار و شینایی، وەک دیمەنیەلی «ئەو شەڕە قورسە» بڵاو دەکەنەوە.
    ئەم چەواشەکارییانەی دەوڵەتی داگیرکەر لە ئاست و بەستێن و بۆنەی جوراوجۆردا، شتێک نیین کە زۆر لێڵ بن و بۆ ناسینەوە نەبن. تۆپبارانی تاشە بەردەکانی کۆساڵان و سووتاندنی دار و درەختە بێ گیانەکانی لە لایان سوپای پاسدارانەوە لە چوارچێوەی چەند پرس و هاوکێشەی پێکەوە بەستراودان؛ لەوانە: میلیتاریزەکردنی زیاتری رۆژهەڵاتی داگیرکراو، دروست کردنی بیانوو و بەڵگە بۆ گوشاری زیاتری تاران لەسەر بەغدا بۆ کۆت و بەند دانان لە سەر تێکۆشانی حیزبەکانی رۆژهەڵاتی کوردستان و سپای میللیی کوردستان، پیلانگیڕی زیاتر دژی هەرێمی کوردستان و زیاتر ئەمنیەتی پیشاندانی پرسی کوردستان. دەنا هیچ رادەیەک لە لۆژیکی تێدا نییە لە کاتێکدا لە ساڵی ٢٠١١ەوە لە نێوان پژاک و سوپای پاسداران ئاگربڕ لە گۆڕێدایە و هەر ئێستا بنکە و بارەگای ئاشکرای پژاک لە ژمارەیەک گوندی بناری کۆساڵان و سەرجەم ئەو ناوچەیە هەن، کتوپڕ شەڕیک بقەومێ.
   هەر چەند پژاک لە هەموو ئەم ماوەیەدا دانی بە هەبوونی شەڕێکی قورسی لەو جۆرەی میدیاکانی سپای پاسداران دەهۆڵی بۆ دەکوتن، نەناوە؛ بەڵام جێی داخە کە بە گوێرەی خۆیان لە جیاتی لە قاودانی ئەو شانۆگەرییە پیلاناوییە، یان لانیکەم بێدەنگە کردن لەسەری، باس لە «بەرخۆدانی کۆساڵان» و «تێکهەڵچوونی پەراکەندە و بەرگریی رەوا» دەکەن.
  دیارە هەر پارت و هێزێکی سیاسی سەربەستە لە هەڵوێست و هەڵسووڕانی سیاسیی خۆی ، بەڵام بە هیچ شێوەیەک بۆ هیچ لایەنێک رەوا نییە ، تێکەڵ بە پیلانگێڕی دەوڵەتێکی داگیرکەر ببێت؛ یان ڕکێش بکرێتە ناو پیلان و داوێک کە ئاکامەکەی لە قازانجی داگیرکەران و زیانی کوردستان و نەتەوەکەمان تەواو دەبێت. پژاک دەبوو بە ڕاستگۆییەوە ڕاشکاوانە بە خەڵکی کوردستانی گوتبا کە: هیچ پەلامارێک لە سەر ئێمە و هیچ شەڕ و پێکدادانێک لە گۆڕێدا نییە؛ بەڵکوو ئەوەی هەیە مانۆڕێکی پیلانگێڕانەی ئامانجداری سوپای پاسدارانە و ئەوەی دەسووتێ ژینگەی ناوچەکەیە.

پارتی ئازادیی کوردستانPAK
٣٠ جۆزەردان ٢٧٢٣ ک
٢٠ ژووئەن ٢٠٢٣ ز

سەرەوە