پۆلووی ڕاپەڕینی ژینا، لە گەشانەوەدایە

28/06/2023

پۆلووی ڕاپەڕینی ژینا، لە گەشانەوەدایە

ئەمڕۆ 7 پووشپەڕی 2723ی کوردی، یەکەم رۆژی جەژنی قوربان، کوردستانیانی کۆڵنەدەری رۆژهەڵاتی داگیرکراو لە شارەکانی سەقز، بۆکان، مەهاباد سنە، دیواندەرە و پیرانشار بە سەردان لە گڵکۆی شەهیدانی راپەڕین، ناو و رێبازی شەهیدانیان بەرز و پۆلووی ڕاپەڕینی کوچک و بەردی ڕۆژھەڵاتیان گەشاوە ڕاگرت.
ڕۆڵەکانی کوردستان بە رێزدانان و یادکردنەوەی شەهیدانی راپەڕینی ژینا، ئیرادەی لەشکاننەھاتووی خۆیان بۆ ڕزگاریی لە داگیرکەری و گەیشتن بە ئازادیی و سەربەخۆیی پیشان دەدەن. دواجار هەنگاوی یەکگرتووانەی ژنان و پیاوانی ئەم نیشتمانە داگیرکەران ڕادەماڵێ و سەروەریی دەوڵەتی فارس بۆ ھەمیشە تێکەوەدەپێچێت. 

پارتی ئازادیی کوردستان PAK
کۆمیتەی راگەیاندن
7 پووشپەڕ 2723 ک
28 ژووەن 2023ز