بە بەشداریی سەرۆکی پارتی ئازادیی کوردستان دەستەی نوێنەرایەتی PAK لە دەرەوەی وڵات کۆبوویەوە.

28/01/2024

رێکەوتی 27ی ژانویەی 2024 بە بەشداری سەرۆکی پارتی ئازادیی کوردستان، بەرێز کاک حسەین یەزدانپەنا، دەستەی نوێنەرایەتی پارتی ئازادیی کوردستان لە دەرەوەی وڵات کۆبوونەوەی ئاسایی خۆی بەڕێوەبرد.
کۆبوونەوەکە بە ساتێک بێدەنگی بۆ رێزگرتن لە شەهیدانی کوردستان دەستی پێکرد.
دواتر سەرۆکی پارتی ئازادیی کوردستان دۆخی سیاسیی کورد بە گشتی و رۆژهەڵاتی کوردستان بە تایبەتی و پێشهات و گۆرانکارییەکانی لە ناوچەکە و جیهانداخستە بەر باس.
سەرۆکی پارتی ئازادیی کوردستان پێی لەسەر ئەوە داگرتەوە کە لە ئێستادا تێکۆشەرانی ریزەکانی پارتی ئازادیی کوردستان لە دەرەوەی وڵات ئەرکێکی نەتەوەیی و سیاسیی و ئەخلاقییان لە پێناو بەرەوپێشبردنی دۆزی کورد و خزمەت بە کێشەی نەتەوەیی کورد لە چوارچێوەی ستراتیژی خەباتمان لە پێناو دامەزراندنەوەی دەوڵەتی کوردستان لە ئەستۆ و لە سەرشانە.
لە درێژەی کۆبوونەوەکەدا ئەندامانی دەستە و بەرپرسانی ئورگانە جیاجیاکانی نوێنەرایەتی پارتی ئازادیی کوردستان لە دەرەوەی وڵات  پلان و بەرنامەکانیان بۆ ساڵی 2024 خستە بەر باس.
کۆبوونەوەکە بە کۆمەڵێک راسپاردە و پێشنیاری هەڤاڵان کۆتایی پێهات