مێهران ئەکرەمی لەبەندیخانەی دەوڵەتی داگیرکەری ئێراندا لەژێر ئەشکەنجە شەهید کرا

15/03/2024

مێهران ئەکرەمی لەبەندیخانەی دەوڵەتی داگیرکەری ئێراندا لەژێر ئەشکەنجە شەهید کرا

مێهران ئەکرەمی، تەمەن ٣٢ساڵان، خەڵکی شاری تێکاب و یەکێ لە دەسبەسەرکراوانی راپەڕینی ژینا، لەژێر ئەشکەنجە و ئازاری هێزەکانی دەوڵەتی داگیرکەری ئێران شەهیدکرا.
بەگوێرەی راپۆرتی هەنگاو، مێهران لە خەزەڵوەری ٢٧٢٢ک لە رەوتی راپەڕینی ژینادا لە شاری سەقز دەسبەسەرکرا و پاش ناڕوونی چارەنووسی لەوکاتەوە، سێ‌شەممە ٢٣ رەشەمەی ٢٧٢٣ک لەژێر ئەشکەنجەی هێزەکانی ئیتلاعاتی ئەو شارەدا گیانی لەدەست‌دا و پاش دوو رۆژ پێوەندییان بە بنەماڵەکەیان کردووە و ئەم هەواڵەیان پێ راگەیاندوون.
جێگای ئاماژەیە کاتێک بنەماڵەکەی بۆ وەرگرتنەوەی تەرمی مێهران دەڕۆنە بەندیخانەی سەقز، پێیان رادەگەیێنن تەرمی ناوبراو بە مەبەستی توێکاری گواستراوەتەوە بۆ نەخۆشخانەی "خومەینی" و لەوێش پێیان رادەگەیێنن بەو مەرجە تەرمەکەیان رادەست دەکەنەوە کە باوکی مێهران نووسراوەیێک واژۆ بکا کە وەڵامی توێکارییەکە ساڵێک دواتر وەربگرێتەوە.