چەند رۆژ پێش ساڵڕۆژی کۆچی دووایی، هێرش کرایە سەر گۆڕی ئەحمەد کایا

16/11/2021

چەند رۆژ پێش ساڵڕۆژی کۆچی دووایی، هێرش کرایە سەر گۆڕی ئەحمەد کایا

رۆژی 13 نۆڤامبری 2021، کۆمەڵێک کەس سەردانی مەزاری هۆنەرمەندی بەناوبانگی کورد ئەحمەد کایا، لە شاری پاریسی پێتەختی فەرانسە دەکەن و پاش رۆژێک دەردەکەوێ کە لەسەر کێلی کایا نووسراوە ترکیە.

تا ئێستا دیار نییە ئەو کەسانە کێ بوون و  خەڵکی چ شوێنێکن، بەڵام لە وێنەکاندا دیارە کە لە تۆڕە کۆمەڵایەتییەکان بڵاوکراوەتەوە، گۆڕی ئەحمەد کایا شێوێندراوە و لەسەری نووسراوە ترکیە.

شایانی باسە کە رۆژی 16 نۆڤامبری 2021، بیست و یەکەمین ساڵوەگەڕی کۆچی دووایی ئەحمەد کایا یە.
 

جێگەی بیرهێنانەوەیە کە دادگای ترکیا ساڵی 1999، پاش ئەوەی خەڵاتی باشترین هونەرمەندی ساڵی پێبەخشرا، لە رێورەسمەکەدا رایگەیاند کە کوردە و لە ئالبوومی داهاتووییدا گۆرانییەک بە کوردیی دەچڕێ و لە کۆڕەکەدا لە لایان ترکە فاشیستەکانەوە هێرشی کرایە سەر و بێڕێزییان پێکرد و دوواتر دادگای ترکیەش بە تۆمەتی کورد بوون و ناپاکیی سزای 10 زیندانی بەسەر کایا دا سەپاند. دوواتر لە ساڵی 2000 دا ئەحمەد کایا ترکیەی جێهێشت و تا ساتی کۆچی دووایی لەو وڵاتەدا مایەوە.