ڕاگەیەندراوی ژمارە( 84 )ی ڕاپەڕینی کوچک و بەردی رۆژهەڵاتی داگیرکراو "مانگرتن و ڕاپەڕین تا ڕاماڵینی داگیرکەران لە نیشتمان"

15/11/2022

ڕاگەیەندراوی ژمارە( 84 )ی ڕاپەڕینی کوچک و بەردی رۆژهەڵاتی داگیرکراو
"مانگرتن و ڕاپەڕین تا ڕاماڵینی داگیرکەران لە نیشتمان"

ئەمڕۆ ٢٤ خەزەڵور لە 60 ـەمین رۆژی راپەڕینی رۆژهەڵاتی کوردستان‌دا؛ رۆڵە ئازا و بەجەرگەکانی رۆژهەڵات بە مانگرتن و رژانەسەر شەقامەکان، درێژەیان بە راپەڕینی دوو مانگەیان دا.
ئەمڕۆ خەڵکی بە هەڵوێستی رۆژهەڵات لە زۆربەی شار و شارۆچکەکانی رۆژهەڵاتی کوردستان، لە مەریوان، سەقز، بانە، دیواندەرە،  ڕەوانسەر، جوانڕۆ، کامیاران، دێولان، تیکاب، ئیلام، شنۆ، بۆکان، مەهاباد، سنە و پیرانشار و ... هتد بەپیر بانگەوازەکەی سەرۆکی پارتی ئازادیی کوردستانەوە هاتن، کە دوێنێ داوای لە خەڵکی رۆژهەڵاتی کوردستان کرد، ئەمڕۆ بۆ وەڵامدانەوە بە ھێرشەکانی سپای پاسداران مان‌بگرن و درێژە بە راپەڕین بدەن. خەڵکی تێکۆشەری رۆژهەڵات سەرەتا بە مانگرتن و داخستنی دوکان و بازاڕەکان و پاشنیوەڕۆ بە رژانە سەر شەقام و کۆڵانەکان درێژەیان بە راپەڕین‌دا.
پاشنیوەڕۆی ئەمڕۆ لە لوڕستان، سنە، سەقز، قوروە، بۆکان، ورمێ، ئیلام، جوانڕۆ، مەهاباد، کامیاران، بجنورد، بەختیاری و کرماشان و ...هتد خەڵکی راپەڕیو هاتنەوە سەر شەقامەکان و بە دروشم‌دان و دروشم نووسین لەسەر دیوارەکان بەردەوام بوون لە راپەڕین؛ هێزەکانی دەوڵەتی داگیرکەر بۆ سەرکوتی راپەڕین کەوتنە پەلاماردان و تەقەی راستەوخۆیان لە خەڵکی راپەڕیو کرد و  لە ئەنجامدا چەند کەسێک لە خەڵکی راپەڕیو شەهید و برینداربوون ؛ لەبەرانبەر هێرش و پەلامار و تەقەی راستەوخۆی هێزەکانی دەوڵەتی داگیرکەردا، خەڵک بەرگریی رەوایان لە خۆیان کرد و بەرپەرچی هێزەکانیان دایەوە.
رۆڵە ئازا و بوێرەکانی بۆکان لە دیفاعی رەوا لە خۆیان‌دا توانییان یەکێ لە بەکرێگیراوانی دەوڵەتی داگیرکەری ئێران بەسزای خۆی بگەیێنن.
شایانی باس و جێگای شانازی و سپاسە کە ڕێکخستنەکانیPAKو یەکینەکانی سپای میللیی کوردستان دەورێکی چالاکیان لە وەڕێخستنی مانگرتنەکە و گوڕ و تیندان بە ڕاپەڕین دەگێڕن.

پارتی ئازادیی کوردستان PAK
کۆمیتەی راگەیاندن
٢٤ خەزەڵوەر ٢٧٢٢ک
١٥ نۆڤامبری ٢٠٢٢ز