دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

ڕاگەیەندراو

بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە

پێش 3 هەفتە

 

بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە

ڕۆڵەکانی کوردستانی داگیرکراو!
پێشمەرگەکانی سپای میللیی کورستان!

  ئەمڕۆ 30 گوڵانی 2724 کوردیی، چوار ساڵ بەسەر دامەزراندنی سپای میللیی کوردستاندا ڕادەبرێ.
هێزە بنەڕەتییەکەی پێکهێنەری سپای میللیی کوردستان ئەو یەکینە پێشمەرگانەی پارتی ئازادیی کوردستان بوون کە لە سێ دەیەی ڕابوردوودا لە شەڕی پارتیزانی دژی هێزە داگیرکەرەکانی ئێران لە سەر خاکی ڕۆژهەڵاتی کوردستان دەوری چالاکانەیان گێڕا بوو. هەروەها ئەو هێزانە بوون کە لە بەرەنگاربوونەوە و تێکشکاندنی دەوڵەتی خەلافەی داعش لە باشووری کوردستان دەوری پڕ  شانازیی و دەسکەوتیان خوڵقاند؛ دواتریش لە نەبەردەکانی ئۆکتۆبری ٢٠١٧دا لە تێکشکاندنی پەلاماری هێزەکانی سپای قودس و حەشدی شەعبی بۆ داگیرکردنی هەولێر و لە ناو بردنی قەوارەی هەرێمی کوردستان؛ دەوری قارەمانانە و مێژووییان تۆمار کرد.
    دامەزراندنی لەشکرێکی کوردستانیی خاوەن دیسیپلین لە کچان و کوڕانی ڕۆژهەڵاتی نیشتمان لە خۆراسان و ئاگرییەوە هەتا مەڵبەندەکانی لوڕستانات و بەختیاریی وەک دەستپێکێک بۆ جیا کردنەوەی پێکهاتە و کارکردی لەشکریی لە تێکۆشان و قەوارەی حیزبیی و ڕوانین بۆ ئاسۆی نەهێشتنی فرەلەشکریی و یەک خستنی هێزەکانی پێشمەرگە لە رۆژهەڵاتی کوردستان، هەنگاوێکی گرینگ بوو.
   سپای میللیی کوردستان نەوە و وەچەی ئەو هێز  و پێکهاتە و سەرکردانەیە کە لە ١٠٠ ساڵی ڕابردوودا لە دەڤەرەکانی بەختیاری و لوڕستانات و  ئیلام و کرماشان و ئەردەڵان و هەورامان و موکریان و سەرووی ڕۆژهەڵاتی کوردستان، بە گژ هێزەکانی دەوڵەتی داگیرکەری فارس دا چوونەتەوە. درێژەی مەعنەویی و ڕۆحیی هەمان سپای میللیی کوردستانی دەوڵەتی جمهووریی کوردستانە. سپای میللیی کوردستان چاوی لەوەیە و  تێدەکۆشێ لە کات و دەرفەتی خۆیدا، هێزی لێهاتووی رادانی دواسەربازی دەوڵەتی داگیرکەری ئێران و کۆتاییهێنان بە سەروەریی کۆڵۆنیالیستیی فارس بێت لە سەر خاک و نیشتمانەکەمان. سپای میللیی کوردستان لە کوردستانی ڕزگار کراودا پارێزەری سەر و ماڵی دانیشتوان و خاک و سنوورەکانی کوردستان دەبێت.
  هەبوونی تیپی تەوارەکانی ئازادیی کوردستانTAKوەک تیپێکی سەربەخۆی تایبەت بە ژنانی رۆژهەڵاتی داگیرکراو لە ڕیزەکانی سپای میللیی کوردستاندا، یەکێ لە دەسکەوتە پڕ بایەخەکانی سپای میللیی کوردستانە.TAK هەر لەو کاتەدا کە ئەرکی گشتیی نەتەوەیی لە ئەستۆیە، ئەرکی تایبەتی بۆ خوڵقاندنی دەرفەتی یەکسان بۆ ژنانی کوردستان لە بەستێنی لەشکریی و هاوکات پاراستنی ناسنامە و شکۆ و ماف و ئازادیی ژنی لە ئێستا و پاشەڕۆژی نیشتماندا، هەڵگرتووە.
  سپای میللیی کوردستان بەم ناسنامە و قەوارەیەوە، هەر دەبوو تاران تووشی هیستریا و ڕق و ترس بکات. بۆیە دام ودەزگا سیخوڕی و تێرۆریستییەکانی دوژمن لە ناوخۆی وڵات لە گەڕان و سووڕاندان بۆ هەر کەسێک بۆنی هۆگریی ئەم سپایەی لێ بێت.لە پیلانە تێرۆریستییەکان و پەلامارە هاژەکیی و درۆنییەکانیشیاندا، بەشی شێریان بۆ سپای میللیی کوردستان داناوە.بەڵام سپای میللیی کوردستان هەڵقوڵاوی  زامی ١٠٠ ساڵەی نیشتمان و ئامرازی پێویستی ڕەوت و پڕۆسەی بەرەنگاریی و ڕزگارییە. بۆیە خۆڕاگرانە و کۆڵنەدەرانە لەو هەڕەشانە تێدەپەڕێ و دەیانکاتە دەرفەتی وەدەستهێنانی متمانەی زیاتری کوردستانیان و بەهێز کردنی قەوارە و تانو پۆی خۆی.
30 گوڵانی 2724، چوارەمین ساڵوەگەڕی دامەزرانی سپای میللیی کوردستان پیرۆز بێ لە نەتەوە و نیشتمانی خۆڕاگر و فەرماندە و پێشمەرگە فیداکارەکانی.
سڵاو و رێز و وەفا پێشکەشی گیانی پاکی شەهیدانی سەربەرزی سپای میللیی کوردستان و سەرجەم شەهیدانی رێگای سەربەخۆیی و بەدەوڵەتبوونی کوردستان.

سپای میللیی کوردستانS.M.K
فەرماندەیی گشتیی
30 گوڵانی 2724کوردیی
19 مای 2024عیسایی

 

سەرەوە