دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

مەجلیسی گشتی

شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی

پێش 3 هەفتە

 

شەکاوەیە ئاڵای خەبات لە پێناو  سەربەخۆیی کوردستاندا
بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی

ڕۆڵەکانی نەتەوەی مەزنی کورد!
کوردستانیانی خاک و نیشتمان داگیرکراو !
خەباتگێڕانی ڕیزەکانی پارتی ئازادیی کوردستان؛ پێشمەرگە قارەمانەکانی ڕێگای سەربەخۆیی کوردستان!
 پارتی ئازادیی کوردستان، حیزبی پرسی کوردستان ؛ خەباتگێڕی ڕێگای دەوڵەت و سەربەخۆیی؛ هەڵگری ئاواتی یەکگرتنەوەی نەتەوە و نیشتمانی دابەشکراو؛ مەکۆی بیری سیاسیی و وێژەی نەتەوەیی لە بزاڤی ڕزگاریخوازیی ڕۆژهەڵاتی داگیرکراو و شکێنەری تابۆکان؛ حیزبی خەبات لە پێناو هەڵوەشاندنەوەی کۆلۆنیالیزمی ئێرانی و کۆتاییهێنان بە سەروەریی دەوڵەتی فارس لەسەر کوردستان؛ حیزبی هەڵکەرەوەی ئاڵای کوردستان و حیزبی یەکبوونی نەتەوەیی کورد و لوڕ؛ پارتی پێشەنگی ناسیۆنالیزمی ڕزگارییبەخشی کوردستانیی؛ شکێنەری شەقڵی ناسنامەی ساختەی ئێرانیی لە سەر کورد و شییکەرەوەی خەیاڵی ڕستووی ١٠٠ ساڵەی میللەتی وەهمیی ئێران و بەهێند نەگرتنی مەزنخوازیی تاقمەکانی ئۆپۆزیسیۆنی فارس،٣٣ ساڵی تێپەڕ کرد.
بەمجۆرە هێزی نەچەمین و خۆڕاگریی لە تەنگانە و ناهەموارییەکان و ژیانەوەی قەقنەسئاسا؛ پارتی شەڕی پارتیزانیی لە ڕۆژھەڵاتی داگیرکراو؛ پارتی سنوور نەناسی کوردستانی و ھێزی داعش شکێنی گوێکجەلی و مەخموور و چیای باشیک و دەشتی نەینەوا و کەرکووکی غەدرلێکراو؛ پارتی شانازیخولقێنی حەشد و پاسدار بەزێنی نەبەردی مێژوویی پردێ؛ حیزبی سەرکردە و فەرماندەی سەر زین و ژێر گڵ، پێ دەنێتە ساڵێکی دیکە لەو تێکۆشانە پڕ سەروەریی و شانازییەی خۆی!
پارتی ئازادیی کوردستان وەدییهاتنی بەها بەرزەکانی شکۆ و ئاسایش و  ئۆقرە و هێمنی،بەرژەوەندیی گشتیی و ئازادیی و دیمۆکراسی و دادگەریی, نەهێشتنی چەوسانەوە، یەکسانیی ژن و پیاو، پێکەوە ژیانی نەتەوەکان و دین و مەزەبە جیاوازەکان، ژینگە پارێزیی و پەرەپێدانی سیاسیی، ئابووریی، کەلتووریی و مرۆڤیی و کۆمەڵایەتیی بۆ مرۆڤ و کۆمەڵگای کوردستان، تەنیا بە هەبوونی سەروەریی و دەوڵەتی نەتەوەیی دەبینێ.بۆیە خەبات لە پێناو سەربەخۆیی و دەوڵەتی کوردستاندا بە ئەرکناسیی و ئەخلاق و فەزیلەت دەزانێ و بوون و مان و توانای لەو پێناوەدا دادەنێ .
سڵاو و ڕێز و وەفا بۆ ڕێبەر و رچەشکێنی ئەم ڕێبازە، شەهید سەعید یەزدانپەنا و سەرجەم شەهیدانی کاروانی خەباتی ٣٣ ساڵەیPAK.
سڵاوی کۆڵنەدان و خۆڕاگریی و نەسرەوتن تا سەرکەوتن لە خەباتگێڕانی ڕیزەکانی پارتی ئازادیی کوردستان.
سڵاوی ئەمەگ و خۆشەویستیی لە بنەماڵەی شەهیدانی سەربەرزی پارتی ئازادیی کوردستان.

ھەر شەکاوە بێ ئاڵای سەربەخۆیی کوردستان
پارتی ئازادیی کوردستانPAK
مەجلیسی گشتیی
٣٠گوڵانی ٢٧٢٤ک
١٩مای ٢٠٢٤ ز

سەرەوە