مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا

06/06/2024

مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا
بەگوێرەی راپۆرتی هەنگاو، مامۆستا محەممەد خزرنژاد، تەمەن ٤٥ ساڵان و مامۆستای ئایینیی شاری بۆکان و یەکێ لە دەسبەسەرکراوانی راپەڕینی ژینا، بەتۆمەتی "فساد في الارض" و  زیان گەیاندن بە یەکپارچەیی ئێران و پڕوپاگەندە دژی رژێم بە ١٦ ساڵ بەندکردن و لەسێدارەدان حوکم درا.
لە رێکەوتی ٢٨ی گەڵاڕێزانی ٢٧٢٢ ک، لە رەوتی راپەڕینی ژینادا، هێزەکانی بەرفەرمانی تاران هەڵیانکوتایە سەر ماڵی مامۆستا محەممەد، و خۆی و کوڕەکەی لەژێر ئەشکەنجە و توندوتیژییدا دەسبەسەرکران.
مامۆستا محەممەد، زیاتر لە ساڵ و نیوێکە لە بەندیخانەی ورمێ بەبێ رەچاوکردنی مافەکانی، وێڕای ناچارکردنی بە دانپێدانانی زۆرەملێ؛ لە مافی مۆڵەتی سەردان کردنی ماڵەوەی بێبەش کراوە.
دەوڵەتی ساختەی ئێران، دەوڵەتێکی داگیرکەرە و بۆ درێژەدانی دەسەڵات و سەروەریی خۆی بەسەر کوردستانەوە، لە خولقاندنی هیچ تاوانێک ناپرینگێتەوە و لە پێشێلکردن و کۆت و بەندکردنی ماف و ئازادییەکان درێغیی ناکا.
شکۆ و کەرامەت و مافەکانی کوردستانیان تەنیا لە کوردستانێکی ئازاد و سەربەخۆدا  و بە دواییهێنان بە کۆلۆنیالیستی فارس دەستەبەردەکرێ.