دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

ڕاگەیەندراو

پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان.

پێش 3 هەفتە

 

پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان.
رێکخراوی ئازادیی ژنانی کوردستان-نینا خۆی بە بەختەوەر دەزانێ لە 33هەمین ساڵڕۆژی دامەزرانی پارتی ئازادیی کوردستاندا پیرۆزباییەکی گەرم لە رۆڵەکانی نەتەوەکەمان لە رۆژهەڵاتی نیشتمان و گشت خەباتگێڕان و تێکۆشەرانی 33 ساڵ خەبات و کۆڵنەدان و قوربانی لە پێناو دەوڵەت و سەربەخۆیی کوردستاندا بکات. 
لەدایکبوون و دامەزرانی پارتی ئازادیی کوردستان وەچەرخانێکی مەزن و مێژوویی بوو لە خەباتی رزگاریخوازانەی نەتەوەکەمان لە رۆژهەڵاتی کوردستاندا، هەنگاوێکی گرینگی نەتەوەیی و ستراتیژی بەجێ بوو لە گۆڕەپانی سیاسیی رۆژهەڵاتی کوردستاندا؛ هەنگاو و بڕیارێک کە ئاکام و دەرەنجامەکانی بۆ هەمیشە وەک شانازی بۆ رێبەران و خەباتگێڕانی پارتی ئازادیی کوردستان لە لاپەڕکانی مێژوودا تۆمار دەکرێ. 
پارتی ئازادیی کوردستان لە دەمێکدا یادی 33 هەمین ساڵرۆژی لە دایکبوونی دەکاتەوە کە نەک هەر لەو خەباتەدا خۆی رەنج بەخەسار نازانێ بەڵکوو ئەمرۆ لە پاش زیاتر لە سێ دەیە بەریی هەرە زۆری ئەو رەنج و خەبات و فیداکارییانەی ئەو رێگە دژوار و ئەستەم و پڕهەوراز و نشێوەی هەڵگرتووەتەوە. 
ئەگەر 33 ساڵ لەمەبەر درووشم و سیاسەت و ستراتیژی دەوڵەت و سەربەخۆیی تەنها لەسەر زاری تێکۆشەرانی پارتی ئازادیی کوردستان بوو، ئەمڕۆ لە سایەی خەباتی تێکۆشەران و خوێنی گەشی شەهیدانی ئەو رێبازە مەزنە، ماڵ و ماڵباتی کورد نییە خەون بە دەوڵەت و سەربەخۆیی کوردستان و ڕادانی داگیرکەر لە سەر خاکی نیشتمان و تووڕهەڵدانی ئاڵای داگیرکەر و هەڵکردنی ئاڵای کوردستانەوە نەبینێ. 
هاوکات لەگەڵ ئەوەشدا کە رێکخراوی ئازادیی ژنانی کوردستان-نینا خۆی بەشێکە لە کاروانی ئەو خەباتە و بەشدارە لە دەسکەوت و داهێنان و شانازییەکانی ئەو رێبازە مەزنە، تا دەرکردنی دوا سەربازی داگیرکەر و راگەیاندنی دەوڵەتی سەربەخۆی کوردستان، خۆی بە پاڵپشت و هاوڕێ و هاوسەنگەری تێکۆشەران و خەباتگێڕانی پارتی ئازادیی کوردستان دەزانێ.
رێکخراوەکەمان لەم بۆنەیەدا هەزاران سڵاو پێشکەشی رۆحی بەرزە فڕی شەهید سەعید یەزدانپەنا و سەرجەم شەهیدانی 33 ساڵ خەباتی نەپساوە و پڕ لە دەسکەوت و داهێنان و ڕچەشکێنی پارتی ئازادیی کوردستان دەکات و هەزاران سڵاوی ئەمەگ و کۆڵنەدان و ئازایەتیش پێشکەشی بنەماڵەی سەربەرزی شەهیدان و زیندانیانی سیاسیی دەکات.
بژی کورد بژی کوردستان
رێکخراوی ئازادیی ژنانی کوردستان-نینا

30 گوڵانی 2724 ک

19 مەی 2024 ز

سەرەوە