ئیسراییل هێرشی راستەوخۆی کردەسەر ئێران

26/10/2024

بەرەبەیانی ئەمڕۆ، کاتژمێر ٠١:٣٠ی ٢٦ی ئۆکتۆبری ٢٧٢٤ز، ئیسراییل هێرشە ئاسمانییەکانی خۆی بۆ سەر ئێران دەسپێکرد.

لەم هێرشە ئاسمانییەدا کە بە "ئۆپەراسیۆنی رۆژانی تەوبەکردن" ناسراوە، زیاتر لە ١٥٠ فڕۆکەی مووشەک‌هەڵگر بەکارهاتووە و ٢٠ پێگەی سەربازی و بەرهەمهێنانی مووشەکی بالستیکی ئێران لە سێ پارێزگای "تاران، خوزستان و ئیلام" کراونەتە ئامانج.
هێرشەکە نزیکەی ٤ کاتژمێری خایاند.
دانیێل هەگاری، وتەبێژی سپای ئیسراییل رایگەیاند کە هێرشی وردیان کردووەتەسەر ئەو پێگە سەربازییانەی ئێران کە مەترسیی بوون لەسەر ئیسراییل.