بانگەوازی پارتی ئازادیی کوردستان بۆ مانگرتنی گشتیی و بەردەوامیی راپەڕین

23/11/2022

بانگەوازی پارتی ئازادیی کوردستان بۆ  مانگرتنی گشتیی و بەردەوامیی راپەڕین 

دوو مانگ زیاترە خەڵکی راپەڕیوی رۆژهەڵات بە مانگرتن و داخستنی دوکان و بازاڕ، بە هاتنەسەر شەقام و گۆڕەپانەکان و بە هەڵوێستی یەکگرتووانەی مامۆستایان و قوتابییان ، مامۆستایانی ئاینی، ژنان ، کاسبکاران ،لاوان  و گشت چین و توێژەکانی کوردستان لەبەرانبەر تاوان و جینایەتەکانی دەوڵەتی داگیرکەری ئێران راپەڕیون و داکۆکی لە مافە رەواکانی نەتەوەکەمان دەکەن. لەبەرانبەردا هێزەکانی دەوڵەتی داگیرکەری ئێران بۆ سەرکوت و بڵاوەپێکردنی خەڵکی راپەڕیو دەستیان لە خولقاندنی هیچ تاوانێک نەپاراستووە و بێباکانە پەلاماری رۆڵەکانی ئەم نەتەوەیەیان داوە.
بەردەوامیی مانگرتن و راپەڕین رەمزی سەرکەوتنی ئەم هەنگاوە مێژووییەیە.
با بە یەکێتیی ریزەکانمان و یەکدەنگیی خەباتمان لە رۆژی پێنج شەممە ۳ی سەرماوەز ، بە مانگرتنی گشتیی و هاتنە سەر شەقامەکان، بەردەوامیی بە ڕاپەڕینی کوچک و بەردی ڕۆژهەڵاتی کوردستان بدەین.

پارتی ئازادیی کوردستان PAK
٢ سەرماوەز ٢٧٢٢ک
٢٣ نۆڤامبری ٢٠٢٢ز