راگەیەندراوی پارتی ئازادیی کوردستان بۆ مەحکووم کردنی گرتنی سیاوەش حەیاتی

15/05/2023

راگەیەندراوی پارتی ئازادیی کوردستان بۆ مەحکووم کردنی گرتنی سیاوەش حەیاتی

ڕۆژی شەممە 23 گوڵانی 2723 بەڕێز سیاوەش حەیاتی، وتەبێژی کۆمەڵەی راوێژکاریی چالاکانی یارسان و سکرتێری بەرەی یەکگرتووی کورد، پاش دەسبەسەرکرانی؛ بۆ کێشانی ماوەی حوکمەکەی، رەوانەی بەندیخانەی دیزڵاوای داگیرکەر لە کرماشان کرا.
  سیاوەش حەیاتی پێشتر بە تاوانی "وتووێژ لەگەڵ میدیا دژبەرەکانی کۆماری ئیسلامی "، سزای ساڵێک بەندکرانی بەسەرداسەپابوو.
  گرتن و ئازار و ئەشکەنجەی رۆڵەکانی رۆژهەڵات لەلایان دەوڵەتی داگیرکەری فارسەوە، درێژەی سەدەیەک دەسدرێژیی، ژێنۆساید، زمانکوژی و کوشتاری بە تاک و کۆ، دژی کوردستان و نەتەوەی کوردە. 
پارتی ئازادیی کوردستان وێڕای مەحکوومکردنی ئەم حوکمە فاشیستییەی تاران، جارێکی دیکە پێداگریی لەسەر ئەوە دەکاتەوە کە تەنیا رادانی هێزەکانی دەوڵەتی داگیرکەر لە کوردستان و گەیشتن بە دەوڵەت و سەربەخۆیی دەتوانێ  ماف و ئازادیی و ئاسایشی کوردستانیان، دابین و دەستەبەر بکات.

پارتی ئازادیی کوردستان PAK
کۆمیتەی راگەیاندن

 25  گوڵانی 2723 کوردی
15 مایسی 2023زایینی

https://pazadik.net/Dreje/1832