٣٢ ساڵ خوێن و خەبات لە پێناو سەربەخۆیی و بەدەوڵەتبوونی کوردستاندا

19/05/2023

٣٢ ساڵ خوێن و خەبات لە پێناو سەربەخۆیی و بەدەوڵەتبوونی کوردستاندا

    ٣٢ ساڵ لە هەنگاوە مێژووییە,ڕچەشکێن و پێکهاتەشکێنانەکە تێپەڕ بوو.
 پارتی ئازادیی کوردستان، حیزبی پرسی کوردستان، هەڵوەشاندنەوەی کۆلۆنیالیزمی ئێرانی و کۆتاییهێنان بە سەروەریی دەوڵەتی فارس لەسەر کوردستان، گەڕاندنەوەی مافی دیاریی کردنی چارەنووس و وەدیهێنانی سەربەخۆیی کوردستان و ئاواتی یەکگرتنەوەی نەتەوە و نیشتمانی دابەشکراوی کوردستانە.
پارتی ئازادیی کوردستان لە کوردستانی خاوەن دەوڵەت و سەرەوەرییدا، حیزبی تێکۆشان لە پێناو وەدییهێنان و دابینکردنی: شکۆ و ئاسایش و هێمنی،دیمۆکراسی و دادگەری، نەهێشتنی چەوسانەوە، یەکسانی ژن و پیاو، پێکەوە ژیانی نەتەوەکان و دین و مەزەبە جیاوازەکان، ژینگە پارێزیی و پەرەپێدانی سیاسی، ئابووری، کەلتووری، مرۆڤی و کۆمەڵایەتییە.
سڵاو و ڕێز و وەفا بۆ ڕێبەری شەهید سەعید یەزدانپەنا و شەهیدانی کاروانی خەباتی ٣٢ ساڵەیPAK.
سڵاوی کۆڵنەدان و خۆڕاگریی و نەسرەوتن تا سەرکەوتن لە خەباتگێڕانی ڕیزەکانی پارتی ئازادیی کوردستان.

شەکاوە بێ ئاڵای ئازادیی و سەربەخۆیی کوردستان
پارتی ئازادیی کوردستانPAK
٣٠ گوڵانی ٢٧٢٣ک
٢٠مای ٢٠٢٣ز