واران محەممەد نژاد سزای بەندکردنی بەسەردا سەپا

29/07/2023

بەگوێرەی راپۆرتی هەنگاو، واران محەممەدنژاد قوتابی و چالاکی فەرهەنگی، لەلایان دادگا بێ دادەکانی دەوڵەتی داگیرکەری ئێرانەوە حوکمی بەندکردنی بەسەردا سەپا.
واران محەممەد نژاد خەڵکی گوندی تەنگیسەری سنە، قوتابی بەشی هونەری زانکۆی یەزدە و ئەندامی کۆمەڵەی فەرهەنگی و کۆمەڵایەتی نۆژینە. لە رێکەوتی ٢١رەزبەری ٢٧٢٢ کوردی لە رەوتی راپەڕینی ژینادا، لە کاتێکدا کە لە سنەوە دەگەڕاوە بۆ یەزد لە تێرمیناڵی شاری سنە دەسبەسەرکرا.
پاشان لە ١٠ خەزەڵوەری ٢٧٢٢ کوردی، بە دانانی بارمتە، بەشێوەی کاتی و تا بەڕێوەچوونی دادگایی کردنەکەی ئازاد کرابوو.