ڕاپەڕینی خەڵکی دیواندەرە لە داگیرکەر

31/07/2023

ڕاپەڕینی خەڵکی دیواندەرە لە داگیرکەر


ئەمشەو خەڵکی دیواندەرە بە ھۆی کەمیی ئاوی خواردنەوە  لە دەوڵەتی داگیرکەر ڕاساون و هاتوونەتە سەر شەقامەکان.
هێزەکانی بەرفەرمانی دەوڵەتی داگیرکەری ئێران بە میلیتاریزەکردنی شار و پەلاماردانی خەڵک هەوڵی هێورکردنەوەی ناڕەزایەتییەکان دەدەن.
بە گوێرەی سەرچاوەکان تێکهەڵچوون و رووبەڕووبوونەوە لەنێوان خەڵکی ڕاپەڕیو و هێزەکانی بەرفەرمانی تاران دروست بووە و هێزەکانی دوژمن، بە تەقە و فڕێدانی گازی فرمێسکڕێژ پەلاماری خەڵک دەدەن و هەوڵی بڵاوەپێکردنیان دەدەن.
دەوڵەتی داگیرکەری ئێران سەرەڕای میلیتاریزە کردنی کوردستان و تێکدانی ئابووری و تاڵانی سامانی نیشتمانیی کورد و حەولەکانی تێکدانی شیرازەی کۆمەڵایەتیی و گۆڕینی دێموگرافیای؛ درێغی دەکەن لە دابینکردنی سەرەتاییترین ماف و پێداویستییەکان خەڵکی رۆژهەڵاتی داگیرکراو.
ماف و ئازادیی و ئاسایش وبەختەوەریی کوردستانیان، لە گرەوی ڕاماڵینی ھێز و دامەزراوە ناشەرعییەکان و کۆتاییھێنان بە سەروەریی دەوڵەتی داگیرکەری فارسدایە.