کوشتاری ڕۆڵەکانی کوردستان، بێ پسانەوەیە!

پێش 3 هەفتە

کوشتاری ڕۆڵەکانی کوردستان، بێ پسانەوەیە!

شەوی سێ شەممە ٢٣ی خەزەڵوەری ٢٧٢٣ی ڪ، لە سنووری بانەی نیشتمانی داگیرکراو، لە ئاکامی تەقەی راستەوخۆی هێزەکانی بەرفەرمانی تاران کۆڵبەرێک بەناوی "یادگار رەحیمی" گیانی لە دەست دا و پێنج دیکەش بریندار کران.
 کوشتاری بە تاک و کۆی کوردستانیان، برسیکردن و سەپاندنی ژیانی کۆڵبەری و بەتاڵان بردنی سەروەت و سامانی سەرزەوی و ژێرزەویی کوردستان، لەپاڵ هەموو ئەو تاوان و جەنایەتانەی دەوڵەتی داگیرکەری ئێران دژ بە رۆڵەکانی نەتەوەکەمان گرتوویەتەبەر، ئەو راستییە ڕۆشنتر دەنوێنێ کە ھەتا سەروەریی دەوڵەت- نەتەوەی کۆڵۆنیالی فارس بەسەر کورد و کوردستاندا بەردەوام بێت، ئازادیی و ئاسایش و بەختەوەریی  مرۆڤی کورد لە سەرزەویی کوردستان، لە بەر ھەڕەشەدایە. 
هیچ پردێکی ئاشتی و پێکەوە ژیانی ڕاستەقینە لەنێوان داگیرکەری فارس و نەتەوە و خاکی داگیرکراوی کورددا، ھەڵنابەسترێت. ئاسایش، کەرامەت و بەختەوەریی نەتەوەی کورد لە گرەوی بچڕاندنی کۆت و بەندی دیلی و  ھەڵگرتنی سەروەریی بێگانە و پێکهێنانی دەوڵەتی سەربەخۆی کوردستاندایە.

پارتی ئازادیی کوردستان PAK
24ی خەزەڵوەری 2723 کوردی
15ی نۆڤامبری 2023 زایینی