دۆخی ناوچەکە بەرەو کوێ؟

17/04/2024

خەلیل نادری

ئێران و ئیسرائیل درێژەی شانۆگەرییەکەیان دەدەن.. بەڵام شەڕی واقعی بەدوور دەزانم... گومان نیە ئیسرائیل دەتوانێ ئێران کاول بکا...بەڵام بەرژەوەندی دوولایەن شەڕی ناوێ..
فەلەستین بە پێچەوانەی ئەوەی دەوترا شەڕ وادەکا بگا بە سەربەخۆیی پاشەکشەی زۆری کردو ساڵەهای دەوێ بۆ بونیادنانەوەی ....
بەغدا و هەولێر پێوەندییەکانیان بەرەو باشی دەڕوا، لەڕووی ئابوری پێکەوە دەسازێن.. عێراق داواکانی کوردستان بەجێ دەهێنێ ، بەڵام بەمانای شکستی بەغدا نا... پێویستی بەیەکتر ئەوە دەخوازێ.
عێراق حەزبکا یان نا کە بەبۆچوونی من حەزدەکەن چوونکە لە عێراقدا ڕۆحی عێراقچێتی بەهێزتره لە مەیل بۆ مەزهەب و شێعەگەرێتی دەبێ لە ئێران دوور کەوێتە.... وێڕای هاوسنوبوونی عێراق لەگەڵ ئێران و باڵادەستی شێعەکان..بەڵام عێراق نەیهێشتووە و نایەوێ وەک باشوری لوبنان و غەزەی لێبێت...لەڕابردووش زۆرکات هەر شێعەکانی عێراق دروشمی ئێران بەڕە بەڕه و عێراق حوڕە حوڕەیان دەووتەوە. ئێرانیش ماندووە و شەڕ لە قازانجی نیە ، بۆیە نایەوێ هەندێ هەڵە بکا، دەستێوەردان و خراپەکاری لەعێراق تا ڕادەیەکی زۆر کەمدەکاتەوە
- بەگشتی و سەرئەنجام ناوچەکە دەچێتە پشوویەکی کاتی چەند ساڵەوە...هەرکەس لە جێی خۆی...
گەرچی دروستە لە ڕابردوو نانی کورد لە شەڕدابووه..بەڵام هەرنا کورد لە باشوور پێویستی بەو پشووە و ئۆقرایی هەیە.
ٓ-هەڵبژاردنی کوردستان دەکرێ بە بەشداری زۆرینەی لایەنەکانی کوردستان بەتایبەت لایەنە سەرەکییەکانی وەک پارتی و یەکێتی و .....
+ براوەی هەڵبژاردنەکانی سەرکۆماری ئامریکا نە بایدن نە ترامپ دەبێ.! دیارە تا ئێستا ترامپ ئەگەری بردنەوەی هەیه بەپێی ئەو ڕاپرسی و هەڵبژاردنە ناوخۆییانە..بەڵام پێم وایە بەر لە مانگی11 هەندێ لەمپەر و کۆسپ و گرفت سازدەبن کە ترامپ نەگاتەوە سەر کورسی سەرۆکایەتی.. بایدنیش وەڵامدەری پێویستی  و شایستەی سەرۆکایەتی ئامریکا نیە..