​ ‏بە بۆنەی 30 گوڵانەوە

پێش 2 هەفتە

پەشێو مەفاخری

لە سەردەمێکدا بزۆتنەوەی رزگاریخوازی ڕۆژهەڵاتی کوردستان لە ڕێبازی خۆی ترازابوو و ئێرانچیەتی و دیسکۆرسی ئێرانی هاتبووە کایەوە و کوردیان له ناسنامەی رەسەنی خۆی دوور دەکردەوە و لە مێشکی دا دەیانسڕییەوە و له دڵی دا دەیانکۆشت، دامەزراندنی پارتی ئازادیی کوردستان بوو بە هۆی زیندوبوونەوەی کوردستانییەت و پووچەڵکردنی ئەو سیاسەت و ئامانجە و رێبازی پێشەوای نەمر بوو بە ئاسۆیەک بۆ ئەو پارتە کە دەبێت درێژەدەری رێگەی ئەو رێبەرە مەزنە بین و دۆژمن لە خاکمان راوو بنین و ‌ئاڵای کوردستان لە سەرتاسەری رۆژهەڵاتی کوردستان شەکاوە بکەین و دەوڵەت و سەربەخۆیی خۆمان رابگەینین، چوون نە فێدراڵی نە دێمۆکراسی و نە هیچ مافێک لە چوارچێوەی دەوڵەت نەتەوەی ساختەی ئێراندا بۆ نەتەوەی کورد وەڵامدەر نیە.
‏لەسەرەتاکانی دامەزرانی ئەو پارتە تەز و لەرزە ئێرانی داگیرکەری داگرت، بۆیە بە ترۆری شەهیدی دامەزرێنەر کاک سەعید ویستیان ئەو بیرە لە ناو بەرن و نەهێڵن پەرە بستێنێ بۆ دەورەکانی کوردستان، بەڵام پاک نەشکا و زیاتر پێداگربوو بۆ مافی رەوای نەتەوەیی و ئاگادار کردنەوەی نەتەوەمان، بۆیە لە زۆر ناوچەی کوردستان کە بە سیاسەتی ئاسمیلاسیۆن و راگۆێزان لە خەباتی نەتەوەی و کوردبوونیان دوور کەوتبوونەوە، کوردستانی بوونی زیندوو کردەوە و خەڵکمانی هۆشیار کردەوە و کە کێن و دۆژمنی سەرەکیان کێە و هەروەتر بە ڕاگەیاندنی سپای میللیی کوردستان و پێشکەش کردنی هێزی هەڵۆ و تەوار و فەرماندە قارەمان و داعش و حەشد شکێنەکانی بەڕێزی سپای میللیی کوردستان زیاتر دەری خست کە درێژە دەری رێگەی پێشەوا قازی محەممەدە.
‏"پاک و سپای میللیی کوردستان" ئەزموونی پڕ تراژیدیای بووە و شەهیدی زۆری دژی تیروریستان و داگیرکەران و نەبەردی نابەرانبەری هاژەکی و درۆنی داوە بەڵام هێزی هەڵنەوەری و خۆڕاگرتر و پتەوتر بوو دژی داگیرکەران، چوون بنچینەی قایمە و لە سەر بنەمای ڕاستی و مافی ڕەوای نەتەوەیی دانراوە.
‏هەموو کات تێکۆشاوە بۆ دەستکەوتنی دەرفەتێک کە خەڵکی ڕۆژهەڵاتی کوردستان لە ڕێگەی ڕیفراندۆمێکی گشتییەو بڕیاڕ لە سەر چارەنووسی سیاسی خۆی بدات، چوون دڵنیایە ڕزگاری لە کویلەتی و بن دەستی  و گەیشتن بە هەموو مافەکانی تەنیا ڕێگەی گەیشتن  بە دەوڵەت و سەربەخۆییە
‏لە کۆتاییدا پیرۆزبایی سی گوڵان ئەو ڕۆژە پیرۆزە کە بەرانبەرە لەگەڵ زیندوو بوونەوەی بزاڤی ناسیونالیستی و گەڕانەوەی ناسنامەمان  لە هەموو خەڵکی بە شەرەفی نیشتمانم دەکەم و سڵاو دەنێرم بۆ گڵکۆی شەهیدانی ئەو ڕێبازە کە ڕێگایان پرڕ ڕێبوارە
‏