30 گوڵان ساڵڕۆژی دامەزراندنی پارتی ئازادیی کوردستان

پێش 2 هەفتە

دڵژین بۆکانی

‏
‏لە کاتێکدا کە نسرمی باڵی قاڵاو خۆی بۆ سەر هەموو کوردستان کێشابوو و ببوو بە کۆست و ویشوومە بۆ سەر کوردستانیان و نیشتمان پەروەران هەڵۆیەکی قەقنەس ئاسا بە لە داییک بوونی ڕووناکی خستە ناو کوردەوارییەوە.
‏34ساڵ لەمەوبەر دامەزراندنی پارتی ئازادیی کوردستان بوو بە هۆی وەرچەرخانێک و دەستپێکی دەرچوون لە قەیران "بوحران"ی ناسنامەیی و سیاسیی و گەرانەوە بۆ ئەسڵ و ڕەسەنایەتی لە بزووتنەوەی سیاسی ڕۆژهەڵاتی کوردستاندا.
‏پاک مەکۆی بیری نەتەوە خوازییە بەو هەمووە هەڵکشان  و داکشانە لە مێژووی دا،بەو هەمووە دژواری و ڕووداوە سەختانەی کە ئەزموونی کردووە پڕوپۆت نەبوو و نەشکا و هەمیشە خاوەن هەڵوێست و ئیرادەی هەستانە هیچ کات بێزار نەبوو لە تێکۆشانی لە پێناو ڕزگاری و سەربەستی  نیشتمانمان،هەموو کات کۆشا بووە بۆ هوشیاری نەتەوەیی بۆیە بانگە وازی ئەو ڕێبازە ، ئەو درووشمە ، ئەو ئامانجە هەموو باژەر وگوند و شەقام و بست بە بستی کوردستانی لە خۆ گرتووە و دیسکۆرسی پاک کە لە سەرەتای دامەزرانییەوە تا ئەورۆ یەک شت بووە دەنگی داوەتەوە و هەر ئەوە بۆتە هۆی بۆمەلەرزە لە نێو دڵی سەرانی تاران دا ،و حکوومەتی تیرانی و دژسالاری ئێران بە بالۆرە وتن و نەبانی کردن ناتوانێت لەرزۆک بوونی  خۆی نکۆڵی بکات ناتوانێت هێزی پۆڵاینمان تێک بشکێنێت و بە چۆکمان دابێنێت چون ئێمە هێزی مانەوە و ڕاوەستان و بە پێوە مردنین ،دوژمنمان هێزی دۆڕان و نەمانە
‏حکوومەتی فەسق و فجوور و سێدارە هەموو سیاسەتێک و ستراتیژییەکی لە سەر پاک و سوپای میللی کوردستان تاقی کردۆتەوە و هەمووی پووچەڵ بۆتەوە چون بە درێژایی گەردوون سەلماوە کە هەمیشە ڕووناکی و خاوێنی بەسەر ڕەشایی و پیسی دا زاڵە
‏ئاسۆمان ڕوونە ئامانجی گەورە پیاوان و ژنانی کوردستان دەگات بە ئاکام ،گەیشتن بە دەوڵەت و سەربەخۆیی تاکە ڕێگەی دەربازی لە جەور و جەفا و بێدادە، کورد تەنیا لەو حاڵەتەدا بە هەموو مافەکانی دەگات.
‏لە کۆتاییدا لەو ڕۆژە پیرۆزە سەری کرنۆش دادەنوێنم  بۆ شەهیدانی ئەو کاروانە ،هەروەها ڕازاوەترین و گەرموگوڕترین پیرۆزبایی پێشکەشی تاکە ڕێبەری ناسیونالیستی کوردستان دوکتوور (کاک حوسەین یەزدانپەنا) دەکەم .
‏پیرۆز بێت سێ گوڵان ساڵڕۆژی بونیادنانی پارتی ئازادیی کوردستان وەدیهێنەری خەونی ڕزگاری لە تەوقی بن دەستی
‏