ئەو هێزەی گوتاری سەربەخۆیی کردە درووشم و ئامانجی رۆژهەڵات

پێش 4 هەفتە

شەماڵ پیران

لە ئێستادا پارتی ئازادیی کوردستان، حیزبە پێشەنگەکەی ئاڵا و سەربەخۆیی، حیزبە ئاڵاهەڵگرەکەی پرۆژەی بەدەوڵەتبوونی کوردستان، بە کردەوە یەکەمی بێ ڕکابەری رۆژهەڵاتی کوردستانە؛ جا کێ بەم قسەی من دڵی تەنگ دەبێ و کیچ دەکەوێتە کەوڵی با ئەم چەند دێڕەی خوارەوە بە چاوی «عەقڵ و مەنتق» بخوێنێتەوە.
لە رووی سیاسییەوە:
١- پارتی ئازادیی کوردستان ٣٤ ساڵە لە پێناو سەربەخۆییدا خەبات دەکات،  ئەمڕۆ درووشمی سەربەخۆیی بووەتە درووشمی هەموو رۆژهەڵاتییەک.
٢- ئەو ئاڵایەی پارتی ئازادیی کوردستان هەڵیکردەوە و لە بزووتنەوەی رزگاریخوازی کوردستاندا بە تەواوەتی «حذف» کرابوو، ئەمڕۆ بووەتە سیمبول و ناسنامەی نەتەوەیی کورد لە رۆژهەڵات.
٣- ئەمڕۆ ئەدەبیاتی سیاسیی پارتی ئازادیی کوردستان کە خوێن و ئارەقەی لە پێناودا ڕژاند، ئەدەبیاتی زاڵی نێو بزووتنەوەی سیاسیی، رۆشنبیری، ئەدەبیی و هۆنەری کوردە لە رۆژهەڵاتی کوردستان.
٤- لە رووی بەرهەمی فیکری و سیاسییەوە PAK تەنیا هێزێکی سیاسیی رۆژهەڵاتی کوردستانە کە خاوەن دیسکۆرس و گوتاری داهێنەرانە بووە، ئەو داهێنانەش لە کۆمەڵگەی کوردستاندا وەرگیراوە و قبوڵ کراوە و کاری پێکراوە، ئەگەرچی لە هێندێک شوینیش بە هۆکاری جۆراوجۆر ئاماژە بە PAK نەکرابێت.
٥- پارتی ئازادیی کوردستان تەنیا هێزی سیاسیی رۆژهەڵاتی کوردستانە کە نوێنەرایەتی هەموو چین و توێژێکی کۆمەڵگەی کوردستان دەکات، شەڕە دندووکەی ئەم ماوەیەی نێوان سیاسیکاری چەپ و ڕاستی رۆژهەڵاتیی، ڕاستیی ئەم قسەیەی من زیاتر دەسەلمێنێ.

لە رووی نیزامییەوە:
١- سوپای میللی کوردستان بەهێزترین، پۆشتەترین و ئامادەترین هێزی نیزامی رۆژهەڵاتی کوردستانە.
٢- تازەترین هێزی بەئەزموونی مەیدانی جەنگە کە ئەزموونێکی زۆری شەڕی لە مەیدانەکانی شەڕدا لەگەڵ دوژمن هەیە و شارەزایی تەواوی لە بەکارهێنانی هەموو ئەو چەک و چۆڵە تازانە هەیە کە لە ئێستادا کاریان پێ دەکرێ.
٣- لە رووی لەشکرییەوە پێکهاتەیەکە لە کۆڕان و کچانی سەربەخۆییخوازی کورد هەر لە لوڕستاناتەوە هەتاکوو ورمێی.
٤- بەدیسیپلین ترین هێزی نیزامی رۆژهەڵاتی کوردستانە کە بە پێوەرە و تاکتیکی نوێی سەربازی و لەشکریی راهێنانی نیزامی پێ دەکرێت.
٥- خاوەنی بەهێزترین و رێکخراوترین هێزی ژنانە لە ئاستی رۆژهەڵاتی کوردستان بە ناوی تەوارەکانی ئازادیی کوردستان.

لە رووی رێکخراوەییەوە:
١- سەرەڕای ئەوەی لەبەر هێرش و هەڕەشەی رۆژانەی دام و دەزگای سیخوڕی و ئیتلاعاتی کۆماری ئیسلامی ئێراندا و پرۆپاگەندەی نەیار و ناحەزانیدایە، بەڵام هەتاکوو ئێستا خاوەنی بەهێزترین تەشکیلاتی رۆژهەڵاتی کوردستانە.
٢- خاوەنی هەزاران ئەندامی چالاکە لە رۆژهەڵاتی کوردستان کە پێکدێت لە کچان و کۆڕانی سەربەخۆییخوازی کورد هەر لە لوڕستاناتەوە هەتا ورمێ.
٣- بەڕێوەچوونی زیاتر لە 1000 چالاکی لە رۆژهەڵاتی کوردستان لەسەر دەست و ئێرادەی تێکۆشەرانی PAK لە زۆربەی هەرە زۆری شار و گوندەکانی رۆژهەڵات بە بۆنەی 30 گوڵان نموونەیەکیتری هێزی رێکخراوەیی پارتی ئازادیی کوردستانە.

زۆر بابەت و پرسی دیکە کە لە توانای ئەم نووسینە و وتاردا نییە!

 سڵاو لە ئیرادە و خۆڕاگری سەرجەم تێکۆشەرانی پارتی ئازادیی کوردستان


29 مای 2025