ئێران لە هەناوی تەلەفوونی پوتین و ترامپ دا

2 رۆژ پێش ئێستا

خەلیل نادری

 ترامپ و پوتین  بە تەلەفوون قسەیان کردووە لە پێوەندی بە هەندێ پرس و بابەت...
ئاماژەکان و ڕووداوەکان وادەڵێن کە ڕەنگە زۆرترین باسی قسەکانیان  لەسەر داهاتووی ئێران و ئۆکراین بووبێ... ڕەنگە وردە سازان و ڕێکەوتنێکی زارەکی کرابێ لەسەر ئەوەی چ بکرێ... پێم وایە بۆ ملدانی تاران بە تەواوی خواستەکانی ئەمریکا گوشار و هەڕەشەکان توندتر دەبن... لە بێ ئاکام مانەوەی گوشارەکان لێدانی گورزی سەربازی  لە نزیکترین کاتدا دەستپێدەکاتەوە... ئەم کێکە چۆن بەشدەکرێ ڕوون نیە..ئەوەی ڕوونە بێ پشکدان بەڕووسەکان نابێ... جا ئەوپشکە لە ئێران بێ یان هەرکوێ... هەن دەڵێن ئۆکراین بۆ ڕووس و ئێران بۆ ئەمریکا.... بەڵام ڕووسەکان ئەوە بەگرەو لەسەر گیرفانی خۆیانی دەزانن بۆیه زیاتریان دەوێ...
خاڵی دیکە ئەوەیە ئایا ڕێژیمی ئێران بە گورزەکانی داهاتوو دەڕوخێ؟ یان تەسلیم بوون ڕادەگەیەنێ.؟..هەرچەند لە کردەوەدا تەسلیمە!، بەڵام زمانی واناڵێ..!.تەنانەت بانگەشەی بردنەوە دەکا...هەروەها ئامانجی حەرەکەتی داهاتوو گرنگە کە بۆ ڕوخانی ڕێژیم دەبێ یان نا...؟!
داهاتووی ئێران چ دەبێ ئێستا ڕوون نیە.... ئەوەی ڕوونە گورزی دیکەیە کە پێی دەکەوێ...!
لە پەیوەستە بە ڕووداوگەلی داهاتوودا  یەک شتی گرنگ هەیه. ئەویش خۆڕاگری هەرێمی کوردستان لەبەرامبەر ئەو دۆخەی ئێستا و گوشارەکانی بەغدا...هەرێم لە تەڵخی و تەنگانەدایه بەڵام پێویستە تەسلیم نەبێ...پرسی مووچە دەتوانێ بە هەندێ قەرز لە وڵاتان چارەسەر بکا بۆ چەند مانگێ... داهاتوو بۆ کوردستانە...!
ئەرکی کورد و هێزە سیاسییەکانی لە ڕۆژهەڵاتی کوردستان چیە؟ بەشێکی زۆری ڕوونە هەموو دەیزانین پێویست بە ووتنەوەی ناکا... بەشەکەی تری پەیوەستە بە سیاسەتی دەولی و ئامریکا بە تایبەتی..تا ڕوونبوونەوەی نیەتی ئامریکا...پێویستە ئێمەیش  بە لێڵی سیاسەتی خۆمان بهڵینەوە....  پێچەوانەی پەندەکە ، من پێم وایە لە گۆمی لێڵیشدا ماسی دەگیرێ ...لێکەوتەکان لە کۆنتڕۆڵی کەسدانیە و  پێشتر بڕیای بۆ نەدراوە.
*شەریکی ئەسڵی ئامریکا لە مامەڵەی  وا گەورەدا  ڕووسە نەک ئیسرائیل... بۆ ئیسرائیل  دوور خستنەوەی هەڕەشە لەسەری و ئاسایش و مانەوەی کافیە بۆی.!