دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

ڕاگەیەندراو

راگەیەندراوی رێکخراوی ئازادیی ژنانی کوردستان-نینا بە بۆنەی 8ی مارس

08/03/2023

راگەیەندراوی رێکخراوی ئازادیی ژنانی کوردستان-نینا بە بۆنەی 8ی مارس

بە بۆنەی گەڕانەوەی 8ی مارس رۆژی جیهانی ژن، بە ناوی سەرجەم ژنانی تێکۆشەری ریزەکانی رێکخراوی ئازادیی ژنانی کوردستان-نینا پێرۆزباییەکی گەرم پێشکەشی گشت ژنانی تێکۆشەر و ئازادیخوازی جیهان و کوردستان بەگشتی و ژنان و کچانی خەباتگێڕی نەتەوەکەمان بە تایبەتی دەکەین.
پتر لە سەد ساڵە ژنانی پێشەنگ و یەکسانیخوازی کۆمەڵگەی مرۆڤایەتی خەبات دەکەن لە پێناو وەدیهاتنی مافە رەواکانیان و یەکسانی و چەسپاندنی کۆمەڵگەیەکی مرۆڤسالار و دوور لە هەرجۆرە توندوتیژی و هەڵاواردن و چەوساندنەوەیەک، بێگومان ئەو خەباتە دوور و درێژە دەسکەوتی گرینگ و جێی بایەخی بۆ ژنان لە زۆربەی ئاست و رەهەندە سیاسیی و ئابووری و کۆمەڵایەتییەکاندا دەستەبەرکردووە، بەڵام سەرەرای ئەو قوربانییە زۆر و زەوەندانەی ژنان لەو پێناوەدا پێشکەشیان کردووە، کەچی هێشتا بۆ گەیشتن بە ئامانجە رەواکانیان و چەسپاندنی کۆمەڵگەیەکی ئینسانی کە تێیدا سەرجەم مافەکانی ژنانی تێدا دەستەبەر کرابێ، رێگەیەکی دژوار دوور و درێژیان لەبەرە.
گۆمانی تێدا نییە ژنانی کوردیش نەک هەر بێبەریی نەبوون لە نەهامەتییەکانی ژیان و هەڵاواردنی رەگەزیی و ئێش و ئازارەکانی کۆمەڵگەی پیاوسالاریی، بەڵکوو چەن قاتی ژنانی رۆژاوایی و کۆمەڵگە پێشکەوتووەکانی جیهان لە ژێر باری رەوشی قورسی ژیان و داب و نەریتە هاوردەکانی داگیرکەرانی کوردستان لە لایەک و دابەش و داگیرکراوی کوردستان لە لایەن دەوڵەتانی داگیرکەری کوردستان لە لایەکی دیکەوە ژیانیان تێپەڕاندووە. 
 ئەگەر بە درێژایی مێژوو ژنانی کورد ئێش و ئازارە تایبەتییەکانی خۆیان و ژان و بڕکی نەتەوەکەیان بە کۆڵ هەڵگرتووە، بەڵام هەرگیز لە خەبات بۆ مافە تایبەتییەکانیان و خەبات بۆ رزگاریی نەتەوەیی کۆڵیان نەداوە و ساتێک نەسرەوتوون. 
لە چەند مانگی رابردوودا خوێنی بە ناحەق رژاوی ژینای کوردان لاپەڕەیەکی دیکەی بە دیرۆکی خوێناوی خەباتی ژنی کورد بە دژی هەڵاواردنی رەگەزیی و داگیرکاری زیاد کرد.
بەشداریی بەرینی ژنانی نەتەوەکەمان بۆ بەرگریی و خۆ بە خاوەن کردن لە خوێنی ژینا لە رۆژهەڵاتی کوردستان و هەڵگیرساندنی راپەڕینی بەرینی گەلان بە خوێن و خەباتی ژنی کورد سەلمێنەری ئەو راستییەن کە ژنی کورد نەک هەر لە کۆمەڵگەی کوردستاندا رەگەز و فاکتەرێکی گرینگی دەسپێک و بەردەوامیی خەباتی نەتەوایەتی بووە بۆ رزگاریی و سەربەخۆیی کورد و کوردستان، بەڵکوو لە ئێستادا بوونەتە سونبول و هێمای بەرخۆدان بۆ ژنانی دیکەی جیهان و ناوچەکە.
رێکخراوی ئازادیی ژنانی کوردستان-نینا بەم بۆنەیەوە بە پێویستی دەزانێ جارێکیتر پێ لەسەر ئەو راستییە مێژووییە دابگرێتەوە کە رزگاریی یەکجاریی ژن و گەیشتنی بە ماف و ئازادییە رەواکانی بەندە بە رزگاریی یەکجاریی نەتەوەی کورد لە داگیرکراویی و بندەستیی.
بژی خەباتی ژنی کورد لە پێناو هێنادی رزگاریی و سەربەخۆیی و کۆمەڵگەیەکی یەکسان و مرۆڤسالار.
رێکخراوی ئازادیی ژنانی کوردستان-نینا
8ی مارسی 2023

سەرەوە