خائینێکی کرێگرتەی تاران دوو ئەندامی حیزبی دێموکراتی کوردستانی ئێرانی تێرۆر کرد

07/07/2023

خائینێکی کرێگرتەی تاران دوو ئەندامی حیزبی دێموکراتی کوردستانی ئێرانی تێرۆر کرد

شەوی پێشوو 15لەسەر 16ی پووشپەڕی 2723 ک، بەکرێگیراوێکی خائین، بە پیلانێکی لە پێشدا داڕێژراو،چەند ئەندامێکی حیزبی دێموکراتی کوردستانی ئێران دەباتە سەیرانگای«هەڵشۆ"ی سنووری شاری قەڵادزێ. خائینی بەکرێگیراو« ڕەسووڵ ئازەرەخش » لە بەرەبەیانی ئەمڕۆدا دەرفەت دێنێت و دوو کەسیان بە ناوی "عادڵ موھاجر" و "لوقمان ئاجی" تێرۆر دەکات و پاش تاوانەکە خۆی دەگەیێنێتەوە باوشی داگیرکەرانی نیشتمان.
دەزگای تێرۆر و مرۆڤکوژیی دەوڵەتیی ئێران ، بەشێکن لە مەکینەی ھێزی لەشکری و دامەزراوەی داگیرکەریی دەوڵەتی ئێران.
کۆتاییھێنان بەسەروەریی ئێران لەسەر کوردستان و ڕادانی ھێز و دام و دەزگاکانی لە کوردستان، تەنیا دەستەبەری پاراستنی سەر و ماڵی کوردستانیانە.
بەم بۆنەیەوە سەرەخۆشی لە بنەماڵەی شەھیدەکان و ھاوڕێیانیان دەکەین و بیری تۆڵەی گەورە لە دوژمن، ھەرگیز لە یاد ناکەین.